كارانتين ناتيجەسى: ەلوردادا سوڭعى تاۋلىكتە كوروناۆيرۋس جۇقتىرعان ادام تىركەلگەن جوق

نۇر- سۇلتان. قازاقپارات - قازاقستاننىڭ مەملەكەتتىك باس سانيتارلىق دارىگەرى ايجان ەسماعامبەتوۆا نۇر- سۇلتان مەن الماتى قالالارىندا ەنگىزىلگەن كارانتين شارالارىنىڭ تيىمدىلىگى تۋرالى ايتىپ بەردى، دەپ حابارلايدى قازاقپارات ءتىلشىسى.

«نۇر- سۇلتان مەن الماتى قالالارىندا ەنگىزىلگەن كارانتين شارالارى ناتيجەلىلىگىن كورسەتىپ وتىر. نۇر- سۇلتاندا ماسەلەن 28 - ناۋرىزدان باستاپ جۇقتىرعانداردىڭ سانى ازايىپ كەلەدى. سول تۇستان 5 -ساۋىرگە دەيىن جۇقتىرۋ دەڭگەيى 60 جاعدايدان 0 گە دەيىن ازايدى» ، - دەدى ايجان ەسماعامبەتوۆا و ك ق- دا وتكەن باسپا ءسوز ءماسليحاتىندا. مەملەكەتتىك باس سانيتارلىق دارىگەردىڭ ايتۋىنشا الماتىدا دا كوروناۆيرۋس جۇقتىرعانداردىڭ سانى كۇنىنە 15 تەن 6 عا دەيىن ازايعان.

«رەسپۋبليكا بويىنشا جۇقتىرۋ ءوسىمى 10-11 پايىزدان اسپايدى. الايدا قىزىلوردا، قاراعاندى، تۇركىستان، اتىراۋ وبلىستارىندا كوروناۆيرۋستى جۇقتىرۋدىڭ ءوسىمى بايقالادى. ياعني ول وڭىرلەردە قوسىمشا شەكتەۋ شارالارىن ەنگىزۋ كەرەك» ، - دەيدى ول.

اۆتور: ايان بەكەن ۇلى