ەڭبەك.ك ز پورتالى ارقىلى جۇمىس تابۋ مۇمكىندىگى جەتىلدىرىلدى

None
None
نۇر-سۇلتان. قازاقپارات - Enbek.kz پورتالىندا جۇمىس ىزدەۋشىلەرگە وزدەرىن جۇمىس بەرۋشىلەردىڭ الدىندا كورسەتە بىلۋگە، ال كومپانيالارعا نەعۇرلىم قولايلى قىزمەتكەردى جىلدام تابۋعا

ەڭبەك جانە حالىقتى الەۋمەتتىك قورعاۋ مينيسترلىگىنە قاراستى ەڭبەك رەسۋرستارىن دامىتۋ ورتالىعىنىڭ ساراپشىلارى ءساۋىر ايىنىڭ باسىندا Enbek.kz ەلەكتروندىق ەڭبەك بيرجاسىندا جاڭا قۇرالدارمەن داعدىلار بانكىن تولىقتىردى.

ەندى تۇيىندەمە تولتىرۋ كەزىندە پايدالانۋشىلار ءوز ءبىلىمى مەن ىسكەرلىگىن دالىرەك سيپاتتاي الادى. بۇل رەتتە قاجەتتى پارامەترلەردى تاڭداۋ وڭتايلاندىرىلىپ وتىر. اتاپ ايتقاندا جۇيە جۇمىس ىزدەۋشىلەردىڭ كاسىپتەرى مەن ماماندىقتارىنا سايكەس كەلەتىن داعدىلاردى، يكەمدىلىك پەن بىلىكتىلىكتەردى ءوزى كورسەتەدى.

«بۇرىن Enbek.kz سايتى ارقىلى جۇمىسقا ورنالاسۋ كەزىندە جۇمىس بەرۋشى مەن قىزمەتكەر اراسىندا جۇمىس تاجىريبەسى، جالاقى مولشەرى جانە اتقاراتىن لاۋازىمىنا سايكەستىگى جونىندە كەلىسپەۋشىلىكتەر ءجيى تۋىندايتىن. ازاماتتاردىڭ كوبى سايتتاعى داعدىلار بانكى قىزمەتكەرلەرگە قويىلاتىن ناقتى تالاپتاردى كورسەتۋگە مۇمكىندىك بەرمەيتىنىنە شاعىمداناتىن. ەندى ءبىز جۇيەنى زامانعا ساي تالاپقا بەيىمدەدىك. جۇمىس بەرۋشىلەرمەن ءارتۇرلى ماماندىقتار ءۇشىن كاسىبي ستاندارتتاردى ازىرلەدىك. قازىر ءبىز ولاردى جاڭارتىلعان داعدىلار بانكىنە ەنگىزەمىز. ول كوپ ۇزاماي پايدالانۋشىلاردىڭ تالاپتارىنا تولىعىمەن سايكەس كەلەتىن بولادى»، - دەدى ەردو ماماندىقتار اتلاسىن سۇيەمەلدەۋ باسقارماسىنىڭ باسشىسى ولگا كيسەليەۆا.

جاڭاشىلدىقتار قازاقستاندىق جۇمىس بەرۋشىلەر قاۋىمداستىعى دايىنداعان 480 كاسىبي ستاندارتتىڭ نەگىزىندە ەنگىزىلدى. Enbek.kz سايتىندا اتالمىش جۇيە ءبىرىنشى كەزەكتە جۇمىس بەرۋشىلەرگە بارىنشا قولايلى مامانداردىڭ تۇيىندەمەسىن، ال ىزدەنۋشىلەرگە قولايلى مەكەمەلەردى كورسەتەدى. تاڭداۋ كەزىندە باسىمدىق تۇيىندەمەدە جانە قاجەتتى مامانعا قويىلاتىن تالاپتار ءتىزىمىن تولتىرۋ كەزىندە جازعان كىلت سوزدەردىڭ (ءار ماماننىڭ قانداي جەكە داعدىلارى بار) سايكەس كەلۋىنە نەگىزدەلمەك. وسىلايشا جۇمىس ىزدەۋشىلەر مەن جۇمىس بەرۋشىلەر قاجەتتى ناتيجەگە جىلدام قول جەتكىزەدى. جاڭارتىلعان داعدىلار بانكى جاقىندا تەستتىك رەجىمدە ىسكە قوسىلادى.

بىرنەشە اي ىشىندە اۆتوماتتى تولتىرۋ نەگىزىندە ۇسىنىلاتىن سۇراقتار تۇرىندە ەڭ قاجەتتى داعدىلار انىقتالماق. بۇل تۇيىندەمەنى تولتىرۋدى جانە ىزدەنۋشىلەرگە قويىلاتىن تالاپتاردى جەڭىلدەتەدى. سونداي- اق، جوبا اۆتورلارى پايدالانۋشىلاردىڭ كەرى پىكىرىن الا الادى.

ەسكە سالا كەتسەك قازاقستانداعى جۇمىس ىزدەۋشىلەر مەن بوس جۇمىس ورىندارى تۋرالى enbek.kz پورتالىنا وسىدان ءۇش جىل بۇرىن اشىلعان ەدى. enbek.kz پورتالى ارقىلى بوس ورىندار تۋرالى اقپاراتتى جەتكىزۋ ءۇشىن جۇمىسپەن قامتۋ زاڭناماسىنا وزگەرىستەر ەنگىزۋ قاراستىرىلعان. ول قاعازباستىلىقتى جويىپ، بيزنەس جۇمىسىن جەڭىلدەتۋگە مۇمكىندىك بەرەدى.

اۆتور: ايان بەكەن ۇلى


سوڭعى جاڭالىقتار