زووباقتاعى جولبارىستان كوروناۆيرۋس تابىلدى
بۇل - الەمدە العاشقى جولبارىسقا كوروناۆيرۋستىڭ جۇعۋى، دەپ حابارلايدى قازاقپارات CNN اگەنتتىگىنە سىلتەمە جاساپ.
«جولبارىستان قۇرعاق جوتەلى بايقالعان. جىرتقىش ساۋىعىپ كەتۋى ءتيىس»، - دەلىنگەن جابايى تابيعاتتى قورعاۋ قوعامىنىڭ حابارلاماسىندا.
ا ق ش- تىڭ دەنساۋلىق ساقتاۋ مينيسترلىگىنىڭ مالىمەتىنشە، زووباقتاعى باسقا بەس جولبارىس پەن ارىستاندا رەسپيراتورلىق اۋرۋ بەلگىسى بولعاننان كەيىن جولبارىستان سىناما الىنعان. زووباق وكىلدەرىنىڭ ايتۋىنشا، تابەتتى ازداپ تومەندەگەنىنە قاراماستان، برونكس زووباعىنداعى مىسىق تۇقىمداس جىرتقىشتاردىڭ جاعدايى جاقسى. اڭداردى ۆەتەرينارلار باقىلاپ وتىر.
«ءىرى مىسىق تۇقىمداستاردا بۇل اۋرۋدىڭ قالاي داميتىنى بەلگىسىز، ويتكەنى مىسىق تۇقىمداس اڭداردىڭ ءارقايسىسى جاڭا ينفەكتسيالار ءارقالاي جۇعادى. ءبىراق ءبىز ولاردىڭ جاعدايىن مۇقيات قاداعالاپ وتىرامىز»، - دەلىنگەن حابارلامادا.
ماماندار بارلىق جىرتقىش جازىلىپ كەتەدى دەپ بولجاپ وتىر. جانۋارلار اۋرۋدى «سيمپتومسىز» اۋىرعان زووباق قىزمەتكەرىنەن جۇقتىرعان.
ايتا كەتەرلىگى، برونكس زووباعى 16- ناۋرىزدان باستاپ جابىلدى. ا ق ش- تىڭ اۋىل شارۋاشىلىعى مينيسترلىگى كوروناۆيرۋس جۇقتىرعانداردىڭ بارلىعىنا ۆيرۋستىڭ اسەرى تۋرالى اقپارات پايدا بولعانشا، ءۇي جانۋارلارىمەن، باسقادا اڭدارمەن بايلانىستى بارىنشا ازايتۋعا كەڭەس بەرەدى.