قازاقستاندا ەلەكتروموبيلگە دەگەن سۇرانىس قانداي؟
بۇل تۋرالى «قازاۆتوونەركاسىپ» اۆتوكولىك سالاسىنداعى كاسىپورىندار وداعى ءمالىم ەتتى، دەپ حابارلايدى قازاقپارات.
«ەسەپتى كەزەڭدە اكىمشىلىك پوليتسيا ورگاندارى 315109 اۆتوكولىكتى تىركەۋگە قويدى. اتالعان كورسەتكىش وتكەن جىلدىڭ سايكەس كەزەڭىنەن 2,7 پايىزعا كەم. ونىڭ ىشىندە 293516 سى ەكىنشى رەت تىركەلگەندەر ۇلەسىندە، ياعني ءبىر ادامنان ەكىنشى ادامنىڭ اتىنا اۋىستىرىلعان كولىكتەر ساناتىنا جاتقىزىلدى. ءبىر جىل بۇرىنعى دەڭگەيمەن سالىستىرعاندا 3,9 پايىزعا تومەندەدى. ال العاش رەت تىركەلگەن كولىك قۇرالدارىنىڭ سانى 21593 ءتى قۇرادى. ول بىلتىرعا قاراعاندا، 16,5 پايىزعا جوعارى»، - دەپ اتاپ كورسەتىلگەن تاراتىلعان مالىمەتتە.
بيىلعى قاڭتار-ناۋرىزدا قازاقستان اۋماعىندا 11 ەلەكتروموبيل تىركەلگەن ەكەن.
«قازاۆتوونەركاسىپتىڭ» حابارلاۋىنشا، ەسەپتى كەزەڭدە قايتا تىركەلگەن كولىكتەردىڭ ۇشتەن ەكىسىنەن استامىن (69 پايىزى) پايدالانۋ مەرزىمى 10 جىلدان اسقان كولىكتەر قامتىعان.
اتاپ ايتقاندا، 20 جىلدان اسقانداردىڭ ۇلەسى 126406 مىڭ كولىك (43,1 پايىز) بولسا، 11 دەن 20 جىلعا دەيىنگىلەر 25,9 پايىزدى (76122 كولىك) قۇرادى. ال 4 تەن 7 جىلعا دەيىنگىلەر - 49200 كولىككە (16,8 پايىز)، 8 دەن 10 جىلعا دەيىنگىلەر - 28573 كولىككە (9,7 پايىز)، 1 دەن 3 جىلعا دەيىنگى كولىك سانى 12937 گە جەتتى.
سونىمەن قاتار، پايدالانۋ مەرزىمى 1 جىلعا جەتپەگەن كولىكتەردىڭ ۇلەسى 0,1 پايىز (317 اۆتوموبيل) بولدى.