11:15, 06 - ءساۋىر 2020 | GMT +6
كوروناۆيرۋس جۇقتىرعان پرەمەر-مينيستر اۋرۋحاناعا جاتقىزىلدى
بريۋسسەل. قازاقپارات - وسىدان 10 كۇن بۇرىن ۇلى بريتانيانىڭ پرەمەر-ءمينيسترى بوريس دجونسون كوروناۆيرۋسقا تەست تاپسىرىپ، ونىڭ ناتيجەسى بويىنشا ىندەت جۇقتىرعانى بەلگىلى بولعان.
بۇگىن ول تەكسەرۋ جۇرگىزۋ ءۇشىن اۋرۋحاناعا جاتقىزىلدى، دەپ حابارلايدى قازاقپاراتتىڭ مەنشىكتى ءتىلشىسى ۇكىمەت مالىمدەمەسىنە سىلتەمە جاساپ.
«پرەمەر-مينيستر ءوز دارىگەرىنىڭ كەڭەسىمەن تەكسەرۋدەن ءوتۋ ءۇشىن اۋرۋحاناعا جەتكىزىلدى» دەپ ءمالىم ەتتى داۋنينگ-ستريتتەن.
ەسكە سالا كەتەيىك، ۇلى بريتانيا پرەمەر-ءمينيسترى بوريس دجونسون 27 - ناۋرىزدا ءوزىنىڭ كوروناۆيرۋس جۇقتىرعانىن راستاعان ەدى.
ول سودان بەرى وقشاۋلانىپ، مەملەكەتتى ۇيىنەن باسقارا باستاعان.