كارانتيندە جاتقان اقتوبەلىك ۇيىنە كەتىپ قالعانى ءۇشىن جازالاندى

اقتوبە. قازاقپارات - اقتوبەدە توتەنشا جاعداي رەجيمىن بۇزعان 133 جاعداي تىركەلدى.

شىمكەنتتەن كەلگەن اۋدان تۇرعىنى كارانتيندى بۇزىپ، ۇيىنە رۇقساتسىز كەتىپ قالعان، دەپ حابارلايدى قازاقپارات ءتىلشىسى.

پوليتسيا مەن ەرىكتىلەر توتەنشە جاعداي رەجيمىن بۇزعانداردى انىقتاپ جاتىر. وبلىستا بارلىعى 133 دەرەك تىركەلگەن. اكىمشىلىك قۇقىقبۇزۋشىلىق تۋرالى كودەكستىڭ «توتەنشە جاعداي رەجيمىن بۇزۋ» بابى بويىنشا 10 ادام قامالدى، 56 ايىپپۇل سالىنىپ، 43 دەرەك بويىنشا ءىس سوتقا جىبەرىلدى.

«مۇعالجار اۋدانىنىڭ تۇرعىنى شىمكەنتتەن كەلگەن. ول اۋداندىق اۋرۋحانادا كارانتيندە جاتقان جەرىنەن ۇيىنە رۇقساتسىز كەتىپ قالعان. ەر ادام ۇستالىپ، اكىمشىلىك ءىس سوتقا جىبەرىلدى»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.