تۇزەۋ كولونيالارىندا بەتپەردە تىگۋمەن اينالىسقان ازاماتتارعا سىياقى بەرىلدى

None
None
نۇر-سۇلتان. قازاقپارات - تۇزەۋ كولونيالارىندا جازاسىن وتەپ جاتقان ازاماتتار بەتپەردە تىگۋمەن ايلانىسقان جۇمىسى ءۇشىن اقشالاي سىياقى الدى، دەپ حابارلايدى ش ق و بويىنشا ق ا ج د باسپا ءسوز قىزمەتى.

قازىرگى ۋاقىتتا قورعانىس قۇرالدارى مەن دەزينفەكتسيا وتە قاجەت بولىپ تۇر. وسىعان بايلانىستى، ىشكى ىستەر مينيسترلىگى مەن قىلمىستىق اتقارۋ جۇيەسى كوميتەتىنىڭ باسقارماسى باسشىلىعىنىڭ شەشىمىمەن قىلمىستىق-اتقارۋ جۇيەسىنىڭ وندىرىستىك وبەكتىلەرىندە قورعانىس بەتپەردەلەرىن تىگۋ جۇمىسى ۇيىمداستىرىلدى.

19- ناۋرىزدان باستاپ شىعىس قازاقستاننىڭ التى كولونياسىندا سوتتالعاندار قورعانىس بەتپەردەلەرىن تىگە باستادى. وسى ۋاقىتقا دەيىن ولار 120 مىڭنان استام بەتپەردە تىگىپ ۇلگەرگەن.

وسى بەتپەردەلەرمەن پوليتسيا وفيتسەرلەرى مەن اسكەري قىزمەتكەرلەر تولىعىمەن قامتاماسىز ەتىلگەن. سوتتالعانداردىڭ ەڭبەگى ەلەۋسىز قالمادى، ولارعا اقشالاي سىياقى بەرىلدى.

«ءبىزدىڭ جۇمىسىمىز باعالانىپ، سىياقى تابىستالعانىنا وتە قۋانىشتىمىن. شىنىمدى ايتسام، مەن بۇعان سەنبەدىم، ءبىرىنشى رەت ءوز جۇمىسىم ءۇشىن اقشالاي سىيلىق الدىم. مەن العان سىياقىمدى ايەلىمە اۋدارىپ جىبەردىم، وعان بۇل اقشا ماعان قاراعاندا قاجەتتى دەپ ويلايمىن»، - دەدى ارلان ەسىمدى جازاسىن وتەۋشى.

بۇگىنگى تاڭدا شىعىس قازاقستان وبلىسىنىڭ تۇزەۋ مەكەمەلەرىندە قورعانىس ماسكالارىن تىگۋ جالعاسۋدا.

سوڭعى جاڭالىقتار