كوروناۆيرۋس: يتاليادان قانداي ساباق الۋ كەرەك - الەمدىك باسپا سوزگە شولۋ

نۇر- سۇلتان. قازاقپارات - «قازاقپارات» ح ا ا ادەتتەگىدەي نازارلارىڭىزعا الەمدىك باسپا سوزگە شولۋىن ۇسىنادى.

ەپيدەميا مەن پاندەميانىڭ توقتاۋىنا نە اسەر ەتەدى؟ - Reflex

كەز كەلگەن پاندەميا مەن ەپيدەميا بەلگىلى ءبىر ۋاقىتتا اياقتالادى. COVID-19 دا، دەپ جازادى Reflex.

«پاندەميا - بىرنەشە كونتينەنتتە بولاتىن ەپيدەميا. ادامزات تاريحىندا پاندەميا دا، ەپيدەميا دا كوپتەپ كەزدەستى. قازىرگى تاڭدا الەم كوروناۆيرۋس كەسىرىنەن ۇيدە وتىر، دالاعا ماسكامەن شىعۋعا ءماجبۇر. بۇل شارالاردىڭ قاشان اياقتالاتىنىن ءدوپ باسىپ ايتۋ قيىن. دەگەنمەن، پاندەميا دا، ەپيدەميا دا ماڭگى جالعاسا بەرمەيدى.

1918-1920-جىلدارى بولعان يسپان تۇماۋى ورتاعاسىرداعى وبادان كەيىن ادامزات ۇشىراعان ەڭ ۇلكەن پاندەميا. بۇل اۋرۋ ازيا ەلدەرىنەن تاراپ، ادامعا قۇستاردان جۇقتى. ءۇش تولقىن جۇرگەن ۆيرۋس ونداعان ميلليون ادامنىڭ ءومىرىن جالماپ، بىرنەشە كۇن ىشىندە جوعالىپ كەتتى»، - دەي كەلە اۆتور ەپيدەميالار مەن پاندەميالاردىڭ توقتاۋىنا نە اسەر ەتەتىنىن سارالايدى.

«پاندەميانىڭ توقتاۋىنا اسەر ەتەتىن ءبىرىنشى فاكتور - ەپيدەميولوگياعا قارسى شارالار. ۆيرۋسقا تاراتۋشى كەرەك. ەگەر ادامنان ادامعا تاراتۋدى بولدىرماساق، ۆيرۋستىڭ تارالۋى باسەڭدەپ، ەپيدەميا توقتايدى. ەكىنشى فاكتور - يممۋندى جۇيەنى كوتەرۋ. ءۇشىنشى فاكتور - ۆيرۋس گەنىنىڭ مۋتاتسياسى. پاندەميا مەن ەپيدەمياي تاريحىنا كوز سالساق، ۆيرۋس اقىر سوڭىندا جوعالادى. جوعالماعان كۇننىڭ وزىندە، جەڭىل اۋرۋعا اينالادى»، - دەپ جازادى باسىلىم.

امەريكادا ءبىر اپتادا 6,6 ميلليون ادام جۇمىسسىز قالدى - Bloomberg

كوروناۆيرۋس امەريكانىڭ ەڭبەك نارىعىنا اۋىر سوققى بولدى. وتكەن اپتادا 6,6 ميلليون امەريكالىق ازامات جۇمىسىنان ايىرىلدى.

جۇمىسسىزدار سانىنىڭ ارتۋىنا كوروناۆيرۋس پاندەمياسى اسەر ەتىپ جاتىر، دەپ جازادى Bloomberg.

باسىلىمنىڭ جازۋىنشا، بىرنەشە اپتا بۇرىن ءبىر اپتادا 3,3 ميلليون ادام جۇمىسسىز قالىپ، بۇل 1982-جىلعى رەكوردتى بۇزعان ەدى. ول كەزدە ءبىر اپتادا تەك 698 مىڭ ادام جۇمىسسىز قالعان.

ەكونوميست رالف ۋملاۋفانىڭ ايتۋىنشا، ەڭبەك نارىعىنداعى جاعدايدى اپاتتى جاعداي دەپ باعالاۋعا بولادى. سونىمەن قاتار، ونىڭ ايتۋىنشا، ەپيدەميا ەكونوميكالىق جانە قوعامدىق ءومىردى السىرەتكەندىكتەن، ەندى ا ق ش- تى داعدارىس كۇتىپ تۇر.

ال ا ق ش- تىڭ ەڭبەك مينيسترلىگىنىڭ مالىمەتى بويىنشا ەكى اپتادا 10 ميلليون امەريكالىق جۇمىسسىز قالعان.

«مەن ومىرىمدە مۇنداي سانداردى كورەمىن دەپ ويلاعان جوقپىن»، دەيدى ەكونوميست توماس كوستەرگ بلۋمبەرگە بەرگەن سۇحباتىندا.

ونىڭ ايتۋىنشا، ا ق ش- تا جۇمىسسىزدىق كورسەتكىشى 20 پايىزعا ءوسۋى مۇمكىن.

كوپتەگەن مەملەكەتتەر ماسكا مەن تەست ەكسپورتىنا تىيىم سالا باستادى - The Guardian

ماسكا مەن تەستتەردىڭ دەفيتسيتىنەن قورىققان مەملەكەتتەر قاتاڭ شارالار قابىلداي باستادى، دەپ جازادى The Guardian.

«برازيليانىڭ دەنساۋلىق ساقتاۋ ءمينسترى لۋيس ەنريكە ماندەتتا قىتايدان ساتىپ الىنۋى ءتيىس ماسكالار مەن قولعاپتار تۋرالى كەلىسسوزدەر ءساتسىز اياقتالعانىن ايتتى. ونىڭ ايتۋىنشا، ا ق ش قىتايعا 23 جۇك ۇشاعىن جىبەرىپ، ماتەريالدار الدىرتپاق. مينيستر الەمدە بۇل تاۋارلارعا سۇرانىس ارتقانىن، گيپەرسۇرانىس پروبلەماسى پايدا بولعانىن ايتتى»، دەپ جازادى باسىلىم.

اۆتوردىڭ ايتۋىنشا، پاندەميا ورشىگەن سايىن كوپتەگەن مەملەكەتتەردىڭ بيلىگى مەديتسينالىق قورعانىس قۇرالدارىنىڭ ەكسپورتىنا تىيىم سالا باستاعان. ال كەيبىر مەملەكەتتەر شەكتەۋ ەنگىزگەن.

«تۇركيا ەكسپورتقا تىيىم سالىپ قانا قويماي، بۇعان دەيىن اقشاسى تولەنىپ قويعان تاۋارلاردى دا جىبەرمەگەن. سونىمەن قاتار مەملەكەت بيلىگى جەرگىلىكتى كومپانيالارعا تەك مەملەكەت ءۇشىن ءونىم وندىرەتىندەرىن ايتقان. ال ماسكانى الەم بويىنشا ەڭ كوپ وندىرەتىن قىتاي دا شەكتەۋلەر ەنگىزە باستادى. دەگەنمەن، بۇل مەملەكەت ەۋروپاعا ميلليونداعان ماسكا سىيعا تارتقانىن دا ايتا كەتۋ كەرەك»، - دەپ جازادى اۆتور.

ماقالادا اۆتور بۇكىل الەم بويىنشا كوروناۆيرۋستى انىقتايتىن تەست پەن ءدارى-دارمەككە سۇرانىس ارتقانىن جازادى.

«بىرنەشە مەملەكەت كوروناۆيرۋستى انىقتايتىن تەستتەردى وزدەرى وندىرۋگە كىرىستى. ۇن وندىرەتىن ەڭ ءىرى مەملەكەتتەردىڭ ءبىرى - قازاقستان ونىڭ ەكسپورتىنا تىيىم سالدى. جالپى، ازىق-تۇلىكتىڭ جاھاندىق دەڭگەيدە جەتىسپەۋشىلىگى بولمايدى دەپ كۇتىلۋدە»، - دەپ جازىلعان ماقالادا.