كارانتين اجىراسۋعا سەبەپ پە؟
اسپان استى ەلىنىڭ تۇرعىندارى كارانتين اياقتالعاننان كەيىن جەرگىلىكتى ازاماتتاردىڭ حال اكتىلەرىن جازۋ بولىمدەرىنىڭ الدىندا ۇزىن- سونار كەزەككە تۇرىپ، اجىراسۋعا وتىنىشتەرىن بەرە باستادى. شاڭحايداعى مىنا ءبىر زاڭ فيرماسىنىڭ قىزمەتكەرلەرىنىڭ جۇمىسى قاۋىرت. سەبەبى ناۋرىز ايىنىڭ ورتاسىنان باستاپ اجىراسۋ ءراسىمى % 25 ارتتى.
ماسەلەن، ءبىر عانا ميلۋو قالاسىنىڭ وزىندە ءبىر ايدا 206 جۇپ اجىراسسا، 311- ءى نەكەلەرىن زاڭداستىرعان. ال مىنا بەينەجازبا جەرگىلىكتى جەردەگى ا ح ا ج ءبولىمىنىڭ الدىنداعى كەزەك. قازىر اجىراسقانداردىڭ كوبەيىپ كەتكەندىگىن قىتاي تەلەارنالارى دا قىزۋ تالقىلاپ جاتىر.
حوۋ شانشان، شولۋشى:
- ەڭ اۋەلى شاڭحايدا ونلاين كەزەك ءبىر ايعا تولىپ قالعانىن كوردىم. ال گۋاڭجوۋدا ەپيدەميادان كەيىن اجىراسقانداردىڭ سانى كۇرت ارتتى. مۇنداي كورىنىس شياندا دا بايقالادى. مەن مۇنىڭ قانشالىقتى ۇزاققا سوزىلاتىنىن بىلمەيمىن. ءبىراق ەپيدەميادان كەيىن اجىراسقانداردىڭ سانى ارتقاندىعى انىق.
ال قازاقستاندا كورشىلەرگە قاراعاندا جاعداي جاقسى. ەلوردادا ناۋرىزدىڭ ەكىنشى بولىگىندە اجىراسقانداردىڭ سانى وتكەن جىلدىڭ ستاتيستيكاسىمەن سالىستىرعاندا ءۇش ەسەگە ازايعان. ءبىراق مۇنى كارانتينمەن بايلانىستىرۋعا بولمايدى. ويتكەنى وتىنىشتەر ءبىر اي بۇرىن بەرىلىپ قويىلعان. جالپى ەگوۆ پورتالى ارقىلى نەكەنى زاڭداستىرۋعا نەمەسە اجىراسۋعا ءوتىنىش بەرۋگە بولادى. ەگەر قوس جۇپتىڭ بالالارى نەمەسە ورتاق مۇلكى بولماسا، ونلاين تۇردە اجىراسۋ مۇمكىندىگى بار. ءدال وسىلاي، بالا بولماسا قوس عاشىق نەكەلەرىن زاڭداستىرا الادى.
ايتا كەتۋ كەرەك، العاشقى ءۇش ايدا ونلاين قىزمەتتى 15 مىڭ قازاقستاندىق پايدالانعان. ال ونلاين تۇردە اجىراسقانداردىڭ سانى وتكەن جىلمەن سالىستىرعاندا 35 پروتسەنتكەن كوپ. دەگەنمەن كارانتين اجىراسۋ كەرەك دەگەن ۇكىم ەمەس. كەرىسىنشە، وتباسىمەن ۋاقىت وتكىزىپ، ءوز- ءوزىڭدى دامىتۋ كەرەك دەيدى پسيحولوگتار.
الۆيرا يۋسۋپوۆا، وتباسىلىق پسيحولوگ:
- بالالارعا، وتباسىعا كوڭىل ءبولىپ، ۋاقىتتى ءتيىمدى وتكىزۋگە بولادى. ءتاتتى تاعامدار ازىرلەۋگە دە بولادى. وتباسىمەن بىرگە ويناۋعا بولاتىن ءتۇرلى ويىندار دا بار. قازىر ءبىر نارسەنى ىستەۋگە مۇمكىندىگىم جوق دەي بەرمەي، بولاشاققا جوسپار قۇرۋ كەرەك.
جالپى پسيحولوگتار قازىر وزدەرىنىڭ قىزمەتتەرىنە سۇرانىس ارتقاندىعىن ايتادى. قازاقستاندىقتار ماماندارعا كۇيزەلىس كەزىندە جانە وتباسىلىق سۇراقتارمەن جۇگىنەدى ەكەن.
سۆەتلانا ترەتياكوۆا، ونلاين- قىزمەتتىڭ پسيحولوگى:
- مۇندا وتباسىلىق قاتىناستار قوسىلادى. بالا مەن اتا- انا اراسىنداعى قارىم- قاتىناس، ايەلى مەن كۇيەۋى اراسىنداعى قاتىناس دەگەن سياقتى.
پسيحولوگتار مەن پسيحوتەراپيەۆتەرمەن جۇمىس جاساۋعا كەلەتىن وتىنىشتەر قازىر ارتتى. بۇل ەندى الەمدە جانە ەلىمىزدەگى جاعدايعا بايلانىستى دەپ وتىرمىز. جالپى ماماندار قازىر بولاشاققا جوسپار قۇرىپ، وي- ءورىستى دامىتۋ قاجەت دەيدى. ال قازاقستاندىق جۇپتاردىڭ ماحابباتى قىتايلىقتارعا قاراعاندا بەرىك پە، ول جاعىن ۋاقىت كورسەتەدى. ونىڭ قورىتىندىسىن كارانتين اياقتالعاننان كەيىن شىعارۋعا بولادى.
www.24.kz