+7 (701) 759 90 19
15 °С : نۇر-سۇلتان
22 °С : الماتى
USD 397.56 EUR 445.94
RUB 5.82 CNY 55.96
جاڭالىقتار

قازاقستاندا الەۋمەتتىك ماڭىزى بار ازىق- تۇلىك تاۋارلارىنا شەكتى باعالار ەنگىزىلدى

4 ءساۋىر 15:36
:ءبولىسۋ
قازاقستاندا الەۋمەتتىك ماڭىزى بار ازىق- تۇلىك تاۋارلارىنا شەكتى باعالار ەنگىزىلدى

نۇر- سۇلتان. قازاقپارات – ق ر ساۋدا جانە ينتەگراتسيا، اۋىل شارۋاشىلىعى، ۇلتتىق ەكونوميكا مينيسترلىكتەرى قازاقستان رەسپۋبليكاسىندا توتەنشە جاعداي كەزىندە «الەۋمەتتىك ماڭىزى بار ازىق- تۇلىك تاۋارلارىنا شەكتى بولشەك ساۋدا باعاسىن ەنگىزۋ تۋرالى» بىرلەسكەن بۇيرىققا قول قويدى، دەپ حابارلايدى قازاقپارات ءتىلشىسى.

ەلىمىزدىڭ ساۋدا مينيسترلىگىنىڭ دەرەگىنشە، بۇگىنگى كۇننەن باستاپ مىناداي تاۋارلارعا شەكتى باعالار بەلگىلەندى:

1) ءبىرىنشى سورتتى بيداي ۇنى، 2) ءبىرىنشى سورتتى ۇننان جاسالعان بيداي نانى (ءپىشىندى)، 3) ماكارون ونىمدەرى (ولشەنىپ سالىناتىن)، 4) قاراقۇمىق جارماسى (ءدان، ولشەنىپ سالىناتىن)، 5) تازارتىلعان كۇرىش (دومالاق ءداندى، ولشەنىپ سالىناتىن)، 6) سيىر ەتى (سۇيەكتى جاۋىرىن- ءتوس بولىگى)، 7) تاۋىق جۇمىرتقاسى (I ساناتتى)، 8) كۇنباعىس مايى، 9) اس تۇزى («ەكسترا» - دان باسقا).

«سوڭعى ايدا قازاقستاننىڭ ازىق- تۇلىك تاۋارلارىنا دەگەن سۇرانىسىن تالداۋ ناتيجەسىندە بۇل تاۋارلار ەڭ كوپ ساتىپ الىناتىنى انىقتالدى. سوعان بايلانىستى، وسى جىلدىڭ باسىنان باستاپ ءدال سول ازىق- تۇلىك باعاسى ءوستى. باعالار ءار ايماققا جەكە بەلگىلەنەدى. نۇر- سۇلتان قالاسىندا 1- سۇرىپتى ۇننان 1 كەلى نان ەڭ كوپ دەگەندە 150 تەڭگە، الماتىدا - 146 تەڭگە، شىمكەنت قالاسىندا - 146 تەڭگە تۇراتىن بولادى. وڭىرلەردە:

ماڭعىستاۋ وبلىسىندا - ءبىر كەلى نان ءۇشىن 164 تەڭگە، اقتوبە وبلىسىندا – 147، اتىراۋ وبلىسىندا – 164، اقمولا وبلىسىندا – 160، قوستاناي وبلىسىندا – 139، قىزىلوردا وبلىسىندا – 143، ب ق و – 160، ش ق و – 150، پاۆلودار وبلىسىندا – 161، س ق و – 120، الماتى وبلىسىندا – 144، جامبىل وبلىسىندا – 138، تۇركىستان وبلىسىندا - 148. قاراعاندى وبلىسىندا شەكتى باعالار ەلدى مەكەندەرگە بايلانىستى بەلگىلەنگەن. وندا 1 ك گ ناننىڭ قۇنى 142 تەڭگەدەن 160 تەڭگەگە دەيىن»، - دەپ اتاپ وتەدى مينيسترلىكتەن.

ۆەدومستۆونىڭ اتاپ وتۋىنشە، باعا ءبىر كەلى نان ءۇشىن بەلگىلەنگەن. ءبىراق، ءبىر بولكە نان - 550 گرام. وسىلايشا، نان بولكەسىنىڭ قۇنى، مىسالى، نۇر- سۇلتان قالاسىندا - 82,5 تەڭگەدەن، الماتى جانە شىمكەنت قالالارىندا - 80,3 تەڭگەدەن اسپايدى. الەۋمەتتىك ماڭىزى بار ازىق- تۇلىك تاۋارلارىنا رۇقسات ەتىلگەن شەكتى بولشەك ساۋدا باعالارىنىڭ مولشەرىن ارتتىرۋ 265100 تەڭگەدەن 530200 تەڭگەگە دەيىن ايىپپۇل تۇرىندە جازاعا اكەپ سوعادى.

اۆتور: مارلان جيەمباي


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات