كوروناۆيرۋستان قايتىس بولعان تۇركىستان وبلىسىنىڭ تۇرعىنى الماتىدان كەلگەنىن جاسىرعان

نۇر- سۇلتان. قازاقپارات - تۇركىستان وبلىسىندا كوروناۆيرۋستان كوز جۇمعان ناۋقاسقا قاتىستى مالىمەتتەر بەلگىلى بولدى، دەپ حابارلايدى قازاقپارات ءتىلشىسى.

«تۇركىستان وبلىسىندا كوروناۆيرۋس ينفەكسياسىن جۇقتىرعان 23 ادام راستالدى. ونىڭ ىشىندە جەتىساي اۋدانىندا – 11، كەنتاۋ قالاسىندا – 2، ارىس قالاسى – 1، ورداباسى اۋدانىندا – 1، سارى اعاش اۋدانىندا – 1، ماقتاارال اۋدانىندا – 4، سايرام اۋدانىندا - 2 ادام انىقتالدى. وسى ادامداردا ۆيرۋس انىقتالىپ، 1 ادامنىڭ ءولىمى تىركەلدى. ولار وسىعان دەيىن كوروناۆيرۋس ينفەكسياسىن جۇقتىرعان ناۋقاستارمەن بايلانىستا بولعان»، - دەدى تۇركىستان وبلىسى قوعامدىق دەنساۋلىق باسقارماسىنىڭ باسشىسى مىندەتىن اتقارۋشى ساۋلە جامالوۆا «حابار 24» تەلەارناسىنىڭ تىكەلەي ەفيرىنەن.

سونىمەن قاتار ول ىندەت جۇقتىرعاندار وقشاۋلانىپ، ەم قابىلداپ جاتقانىن جەتكىزدى. اتالعان ازاماتتارمەن بايلانىستا بولعانداردى انىقتاپ، وقشاۋلاۋ جۇمىستارى جۇرگىزىلۋدە.

«وكىنىشكە قاراي، بۇگىن تاڭەرتەڭ تۇركىستان وبلىسىندا كوروناۆيرۋس ىندەتىنەن جەتىساي قالاسىنىڭ 1956 -جىلعى ازاماتى قايتىس بولدى. ناۋقاس 29 - ناۋرىزدا اۋرۋحاناعا جاتقىزىلعان. ناۋقاستىڭ قوسالقى اۋرۋى - قانت ديابەتى. بارلىق سىنىمالار الىنىپ، ەمدىك شارالار جۇرگىزىلدى. ناۋقاستىڭ جاعدايى ناشارلاپ، بۇگىن تاڭەرتەڭ كوز جۇمدى»، - دەدى س. جامالوۆا.

بەلگىلى بولعانداي، ناۋقاس 15- ناۋرىزدا الماتىدان كەلگەنىن جاسىرعان.

اۆتور: رۋسلان عابباسوۆ