10:19, 04 - ءساۋىر 2020 | GMT +6
تۇركىستان وبلىسى بويىنشا شەكتەۋ شارالارى كۇشەيتىلدى
تۇركىستان. قازاقپارات - تۇركىستان وبلىسى بويىنشا شەكتەۋ شارالارى كۇشەيتىلدى. بۇل تۋرالى وبلىس اكىمىنىڭ باسپا ءسوز قىزمەتى حابارلايدى.
باسپاءسوز مالىمەتتەرىنە قاراعاندا، تۇرعىندار ۇيدەن تەك قانا ازىق- تۇلىك، ءدارى- دارمەك الۋعا نەمەسە جۇمىسقا بارۋ ءۇشىن شىعۋى كەرەك. بۇل - تۇركىستان وبلىسى اكىمىنىڭ توتەنشە جاعداي رەجيمىن قامتاماسىز ەتۋ جونىندەگى وبلىستىق كوميسسيا وتىرىسىندا بەرگەن تاپسىرماسى. ءومىرزاق شوكەيەۆ وبلىس كولەمىندە شەكتەۋ شارالارىن كۇشەيتۋ بويىنشا ءبىرقاتار جۇمىستاردى قولعا الۋدى تاپسىردى.
ايتا كەتەيىك، بۇگىن تۇركىستان وبلىسىندا كوروناۆيرۋس ىندەتىنەن ءبىر ادام قايتىس بولدى. مەملەكەتتىك كوميسسيانىڭ جەدەل شتابىنىڭ مالىمەتتەرى بويىنشا، وسى ۋاقىتتا تۇركىستان وبلىسىندا كوروناۆيرۋس جۇقتىرعاندار سانى 23 ادامدى قۇراپ وتىر. ال ەلىمىز بويىنشا قاۋىپتى ۆيرۋستى جۇقتىرعاندار سانى 500-گە جەتتى.