كوروناۆيرۋس جۇقتىرعان قوستانايلىق مىسىردان كەلگەن
وبلىس اكىمى ورىنباسارىنىڭ سوزىنشە، كوروناۆيرۋس جۇقتىرعان 1991 -جىلى تۋعان ازاماتشا 23 - ناۋرىز كۇنى «شارم- ەل- شەيح - الماتى» رەيسىمەن ۇشىپ كەلگەن.
«باستاپقى تەكسەرۋ كەزىندە ودان جانە قوستاناي وبلىسىنىڭ تاعى 4 ازاماتىنان ۆيرۋس تابىلعان جوق. وسىلايشا ولار جامبىل وبلىسىنداعى وتار ستانساسىنان پويىزعا وتىرىپ، قوستانايعا باعىت العان. الماتى قالاسى ماماندارىنان اقپارات تۇسكەن سوڭ، قوستاناي وبلىسىنىڭ جاۋاپتى ورگاندارى الگوريتمگە سايكەس شارا قابىلدادى. اتالعان تۇلعالار جانە ولارمەن بايلانىستا بولعان بارلىق جولاۋشىلار مەن جولسەرىك، بارلىعى 12 ادام وقشاۋلاندى. ەمحاناداعى تالداۋ تەرىس ناتيجە كورسەتتى. ون ەكىنشى كۇنى قايتادان الىنعان تالداۋ اتالعان ازاماتشادا وڭ ناتيجە، قالعان ادامداردا تەرىس ناتيجە كورسەتتى. قازىرگى ۋاقىتتا ءتيىستى ەپيدەمياعا قارسى شارالار قابىلدانىپ جاتىر»، - دەدى مارات جۇندىبايەۆ.
اۆتور: قاسقىرباي قويشىمانوۆ