ەشقانداي مۇعالىمنەن ساباق وتكىزگەنى تۋرالى ەسەپ تالاپ ەتىلمەيدى – مينيستر

None
None
نۇر- سۇلتان. قازاقپارات – ق ر ءبىلىم جانە عىلىم مينيسترلىگى ساباقتى ونلاين وتكىزۋدى توقتاتۋ كەرەك دەگەن شەشىمگە كەلدى.

بۇل تۋرالى ورتالىق كوممۋنيكاتسيالار قىزمەتىنىڭ الاڭىندا وتكەن مەكتەپ وقۋشىلارىنىڭ 4 - توقساندا قاشىقتان وقۋ جۇيەسىنە ارنالعان ونلاين كونفەرەنسيادا ايتىلدى، دەپ حابارلايدى قازاقپارات ءتىلشىسى.

«ۇستازدارمەن بىرنەشە ونلاين كەزدەسۋ وتكىزدىم. سوندا قاشىقتان وقىتۋ تۋرالى ۇسىنىستار ءتۇسىپ جاتىر. ءبىز ول ۇسىنىستارمەن كەلىسىپ، ساباقتى ونلاين وتكىزۋدى توقتاتۋ كەرەك دەگەن شەشىمگە كەلدىك. مەن ايتقان پلاتفورمالارمەن جۇمىس ىستەۋدىڭ بىرنەشە ءتيىمدى جاعى بار. بۇل جۇيە بويىنشا ءارتۇرلى سۇراقتار تۋىندايتىن بولادى»، - دەيدى ق ر ءبىلىم جانە عىلىم ءمينيسترى اسحات ايماعامبەتوۆ.

ونىڭ ايتۋىنشا، قازىرگى ۋاقىتتا بارلىق تەكسەرۋ توقتاتىلدى. «قازىرگى كەزدە مۇعالىمدەردەن، مەكتەپتەردەن جينالاتىن ەسەپتەر كوپ بولىپ كەتتى. بۇل ەسەپتەردى توقتاتۋ تۋرالى بۇيرىق شىعاردىق. ەشقانداي مۇعالىمنەن سىنىپ جۋرنالىنان باسقا ەشقانداي ەسەپ تالاپ ەتىلمەۋى كەرەك دەگەن شەشىم قابىلدادىق. قازىرگى جاعدايدى وزدەرىڭىز بىلەسىزدەر، سوندىقتان بۇگىنگى كۇنى بالالارىمىزعا، ۇستازدارىمىزعا، ارىپتەستەرىمىزگە سەنۋىمىز كەرەك. كەيبىر جەرلەردە وتكىزىپ جاتقان ساباقتىڭ سكرينشوتىن تالاپ ەتەدى، كەيبىر جەردە وتكىزگەن ساباقتى ۆيدەوعا ءتۇسىرىپ الۋدى تالاپ ەتەدى. وسىنداي كەلەڭسىز جاعدايلارعا كوزىمىز جەتىپ وتىر. مۇنداي نارسەگە جول بەرمەيمىز، سوندىقتان ەشقانداي ەسەپتەر قاجەت ەمەس. وڭىرلەردە باقىلاۋ باسقارمالارى بار، ول دەپارتامەنتتەرگە دە وسىنداي تاپسىرما بەردى. ەندى ولار تەكسەرىس جۇرگىزبەك تۇگىلى، ۇستازداردان ەسەپتى تالاپ ەتپەۋ ماسەلەسىن قاداعالاپ وتىراتىن بولادى. ءبىز ۇيرەنگەن ءداستۇرلى وقۋ كەستەسى دە بولمايدى. بالا تاپسىرمانى وزىنە ىڭعايلى ۋاقىتتا ورىندايدى. ەڭ باستىسى - بىزگە ناتيجە كەرەك. ول ناتيجەنى ءبىز جيناقتىق باقىلاۋدا كورىپ وتىرامىز. جالپى بالالارىمىزعا سەنىپ، قولداۋىمىز كەرەك»، - دەيدى ق ر ءبىلىم جانە عىلىم ءمينيسترى اسحات ايماعامبەتوۆ.

اۆتور: زارينا قاھارمان


سوڭعى جاڭالىقتار