دارىگەرلەر جاقىندارىنا اۋرۋ جۇقتىرماس ءۇشىن ۇيىنە بارعىسى كەلمەيدى – مينيستر
«بۇگىن مەملەكەتتىك كوميسسيا ەپيدەمياعا قارسى جانە سانيتارلىق ستاندارتتاردى مۇلتىكسىز ورىنداۋ، مەديتسينالىق ۇيىمداردى ماقساتتى قولدانۋ جانە كارانتيندىك جانە پروۆيزورلىق ستاتسيونارلارداعى مەديتسينالىق قىزمەتكەرلەردى كارانتيندىك جاعدايعا اۋىستىرۋ تۋرالى شەشىم قابىلدادى. ياعني، ناۋقاستارمەن بايلانىستا بولعان مەديتسينالىق ماماندار بۇل نىساندارعا كەلمەۋى ءتيىس»، - دەدى مينيستر ورتالىق كوممۋنيكاتسيالار قىزمەتىندە وتكەن بريفينگتە.
ونىڭ ايتۋىنشا، وبلىس اكىمدەرى ەپيدەميا كەزىندەگى جۇمىستا دارىگەرلەرگە قوناقۇي مەن جاتاقحانا تاۋىپ، كولىكپەن جانە تاماقپەن قامتاماسىز ەتىپ جاتىر.
«دارىگەرلەرگە ءتيىستى تۇرمىستىق جاعداي جاسالۋى كەرەك. ءبىرقاتار وڭىرلەر بۇل جۇمىستى بەلسەندى باستاپ كەتتى. مەنىڭ ويىمشا مەديتسينالىق مامانداردىڭ ماسەلەلەرى شەشىلىپ، كۇدىگى سەيىلەدى. تۇسىنەمىز، كوپتەگەن ماماندار اۋرۋدان قاۋىپتەنىپ، ۇيلەرىنە بارعىسى كەلمەيدى. سوندىقتان، بۇل شەشىمگە تولىق نەگىز بار»، - دەدى ە. ءبىرتانوۆ.
اۆتور: ايجان سەرىكجان قىزى