+7 (701) 759 90 19
7 °С : نۇر-سۇلتان
3 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

ءبىلىم ءمينيسترى ينتەرنەت ارقىلى قاشىقتان وقىتۋعا نە كەدەرگى ەكەنىن ايتتى

3 ءساۋىر 21:06
:ءبولىسۋ
ءبىلىم ءمينيسترى ينتەرنەت ارقىلى قاشىقتان وقىتۋعا نە كەدەرگى ەكەنىن ايتتى

نۇر- سۇلتان. قازاقپارات - ەلىمىزدە 2 ميلليون وقۋشى قالادا وقيدى. بۇل تۋرالى ورتالىق كوممۋنيكاتسيالار قىزمەتىنىڭ الاڭىندا وتكەن مەكتەپ وقۋشىلارىنىڭ 4- توقساندا قاشىقتان وقۋ جۇيەسىنە ارنالعان ونلاين كونفەرەنسيادا ايتىلدى، دەپ حابارلايدى قازاقپارات ءتىلشىسى.

«وقۋشىلاردى قاشىقتان وقىتۋدىڭ بەسىنشى تەتىگى - ينتەرنەت ارقىلى وقۋ. قالادا وقيتىن بالالار سانى - 2 ميلليون. اۋدان ورتالىقتارىندا وقيتىن وقۋشىلار سانى 500 مىڭعا جۋىق. 2,5 ميلليون وقۋشى عانا ينتەرنەت ارقىلى وقيدى دەپ ويلامايمىز. جەلىنىڭ ساپاسى، كومپيۋتەردىڭ ينتەرنەت جەلىسىنە قوسىلۋى ماسەلەسى بار. ينتەرنەت ارقىلى جۇمىس ىستەۋ وتە ىڭعايلى بولادى»، - دەيدى ق ر ءبىلىم جانە عىلىم ءمينيسترى اسحات ايماعامبەتوۆ. ول وسى تەتىك بويىنشا جۇمىس ىستەۋگە ەكى ۇلكەن كەدەرگى بار ەكەنىن ايتتى.

«ءبىرىنشى - كومپيۋتەردىڭ جەتىسپەۋشىلىگى. ەكىنشى - ەلدى مەكەندە تەحنيكالىق مۇمكىندىك بولسا دا، ول وقۋشىلاردىڭ ۇيىندە ينتەرنەتكە قوسىلۋ مۇمكىندىگى جوق. وسى ماسەلە بويىنشا ءتيىستى جۇمىستار جۇرگىزىپ جاتىرمىز. مەكتەپ بالانسىنداعى كومپيۋتەرلەردى وقۋشىلارعا ۋاقىتشا بەردىك. قازىرگى ۋاقىتقا دەيىن 120 مىڭ كومپيۋتەر مەكتەپ بالانسىنان اتا- انالارعا بەرىلىپ وتىر. ارى قاراي دا ءبىز وسى جۇمىستى جالعاستىرامىز. ەلىمىز بويىنشا كومپيۋتەر سانى جەتكىلىكتى. ەكىنشىدەن، كومپيۋتەردى قوسىمشا ساتىپ الۋ مۇمكىندىگىمىز بار. جەرگىلىكتى اتقارۋشى ورگانداردىڭ ۇسىنىسىنا سايكەس، 79870 كومپيۋتەر ساتىپ الۋ تۋرالى جوسپار بار. وعان ءتيىستى قارجى ءبولىندى. ءتيىستى ساتىپ الۋ جۇمىستارى جۇرگىزىلىپ جاتىر. مىسالى، الماتى قالاسىندا 10 مىڭعا جۋىق كومپيۋتەر وسىلاي قامتاماسىز ەتىلدى. وسى جۇمىس نۇر- سۇلتان قالاسىندا بەلسەندى جۇرگىزىلۋدە»، - دەيدى مينيستر.

اۆتور: زارينا قاھارمان


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات