ءتورتىنشى توقساندا ەلىمىزدەگى وقۋشىلار راديو جانە پوشتا ارقىلى ساباق وقيدى

None
None
نۇر- سۇلتان. قازاقپارات - تەلەديدارى جوق وقۋشىلار راديونى قوسىمشا قۇرال رەتىندە قولدانا الادى. بۇل تۋرالى ورتالىق كوممۋنيكاتسيالار قىزمەتىنىڭ الاڭىندا وتكەن مەكتەپ وقۋشىلارىنىڭ 4- توقساندا قاشىقتان وقۋ جۇيەسىنە ارنالعان ونلاين كونفەرەنسيادا ايتىلدى، دەپ حابارلايدى قازاقپارات ءتىلشىسى.

«وقۋشىلاردى قاشىقتان وقىتۋىڭ ەكىنشى تەتىگى - راديو. «قازاق راديوسى» ارقىلى بۇل مەحانيزمدى قوسىمشا قۇرال رەتىندە ىسكە اسىرامىز. اۋديو ساباقتاردى «قازاق راديوسىنا» بەرىپ جاتىرمىز. وسى راديونى تەلەديدارى جوق وقۋشىلار قوسىمشا قۇرال رەتىندە قولدانا الادى. راديو ارقىلى ساباق وقيتىنداي مۇمكىندىك جاساپ وتىرمىز»، - دەيدى ق ر ءبىلىم جانە عىلىم ءمينيسترى اسحات ايماعامبەتوۆ.

ونىڭ ايتۋىنشا، وقۋشىلاردى قاشىقتان وقىتۋدىڭ ءۇشىنشى تەتىگى - پوشتا. «قازپوشتا» ا ق- مەن كەلىسىمگە قول قويدىق. ەلىمىز بويىنشا مەكتەبى جوق ەلدى مەكەندەر بار. ونداي ەلدى مەكەندەر سانى - 1200-گە جۋىق. ونداي جەرلەردە ارى كەتسە 5-7 وقۋشى بار. ول بالالار باسقا ەلدى مەكەندەرگە بارۋ ارقىلى ساباق وقيتىن. وسى بالالاردى ساباق وقىتۋمەن قامتۋ پوشتا ارقىلى جۇزەگە اسادى. ينتەرنەت ارقىلى وقيتىن بالالار دا كەرى بايلانىس ورناتۋ ءۇشىن پوشتا قىزمەتىن قولدانۋعا مۇمكىندىكتەرى بار»، - دەيدى ول.

اۆتور: زارينا قاھارمان


سوڭعى جاڭالىقتار