+7 (701) 759 90 19
12 °С : نۇر-سۇلتان
14 °С : الماتى
USD 411.54 EUR 458.13
RUB 5.84 CNY 57.64
جاڭالىقتار

كوروناۆيرۋس: بوس قالعان قالا كوشەلەرىندە جابايى اڭدار كوبەيىپ كەتتى

3 ءساۋىر 19:04
:ءبولىسۋ
كوروناۆيرۋس: بوس قالعان قالا كوشەلەرىندە جابايى اڭدار كوبەيىپ كەتتى

لوندون. قازاقپارات - جاڭا COVID-19 كوروناۆيرۋسىنىڭ تارالىپ كەتپەۋىنىڭ الدىن الۋ ءۇشىن ەنگىزىلگەن كارانتين شارالارىنا بايلانىستى الەمنىڭ كوپتەگەن قالالارىندا كوشە قاڭىراپ بوس قالدى.

بۇل تۋرالى قازاقپارات اگەنتتىگى Yahoo News باسىلىمىنا سىلتەمە جاساپ حابارلايدى. جاھاندى جايلاعان ۆيرۋس يسپانيا، يتاليا، جاپونيا جانە چيلي، سونىمەن قاتار ۇلى بريتانيا سەكىلدى مەملەكەتتەردىڭ ەلدە توتەنشە جاعداي جاريالاۋىنا سەبەپ بولدى. وسى جاعداي تابيعاتقا دا اسەر ەتۋدە. بوس قالعان كوشەلەردى ادامنىڭ ورنىنا جابايى اڭدار كەزىپ ءجۇر.


ۋەلستىڭ سولتۇستىگىندە تەڭىز جاعالاۋىنداعى للانديدنو قالاسىنىڭ كوشەلەرىن ورمە تاۋىنان تۇسكەن جابايى تاۋ ەشكىلەرى ەركىن ارالاپ ءجۇر. جانۋارلار ادام بولماعاندىقتان قالاعا قورىقپاي كىرگەن كورىنەدى. ءۇندىستانداعى وديشەدە جاعالاۋ ماڭىندا جۇزدەگەن تاسباقا بايقالعان.


شىعىس لوندوندا ءبىر ءۇيىر بۇعى گارولد حيلل تۇرعىن ءۇي كەشەنىنە ەركىن ورنالاسىپ الدى. بولجام بويىنشا، جۇزگە جۋىق بۇعى كورشىلەس داگنام قورىعىنان كەلگەن. وسىعان ۇقساس سۋرەتتەر جاپونيانىڭ نارا قالاسىندا دا تۇسىرىلگەن. شامامەن 100 جابايى بۇعى قالانى كەزىپ ءجۇر.


ادەتتە، بۇل جانۋارلار قورىق ماڭىندا جۇرەتىن، ولاردى تۋريستەر تاماقتاندىراتىن. ەندى ولار ازىق ىزدەپ قالا كوشەلەرىن شارلاۋعا كىرىستى. ءۇندىستاننىڭ حالىق تىعىز ورنالاسقان اۋداندارىنىڭ ءبىرى ۋتتار- پرادەشتەگى تيرۋپاتي قالاسىنان دا تۇرعىندار تەڭبىل بۇعىلاردى بايقاعان. ايتا كەتسەك، ەلدە 1,3 ميللياردقا جۋىق ادام بار.


يتاليانىڭ كوروناۆيرۋستان ەڭ كوپ زارداپ شەككەن اۋداندارىنىڭ ءبىرى بەرگامودا جابايى قابان جۇرگەنىن كورگەندەر بار. سوڭعى مالىمەت بويىنشا، الەمدە كوروناۆيرۋس جۇقتىرعاندار سانى 1 ميلليوننان اسىپ، 50 مىڭنان استام ادام كوز جۇمدى.



باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات