نازاربايەۆ ورتالىعى الەمنىڭ جانە قازاقستاننىڭ كيەلى جەرلەرى بويىنشا ۆيرتۋالدى تۋر ۇسىنادى

None
None
نۇر- سۇلتان. قازاقپارات - كونفەسسياارالىق جانە وركەنيەتارالىق ديالوگتى دامىتۋ جونىندەگى ن. نازاربايەۆ ورتالىعى الەمنىڭ جانە قازاقستاننىڭ كيەلى جەرلەرى بويىنشا ۆيرتۋالدى تۋر ۇسىنادى، دەپ حابارلايدى قازاقپارات ءتىلشىسى.

«دۇنيەجۇزىنە تارالىپ وتىرعان ىندەت جاعدايىندا حالىق وقشاۋلانىپ، ساقتىق ءۇشىن كارانتين تالاپتارىن ساقتاۋعا ءماجبۇرلى. دەگەنمەن، بۇل جاعدايدى پايدالى ءارى رۋحاني تۇرعىدان ءبىلىمىڭىزدى كەڭەيتۋ ءۇشىن پايدالانۋعا شاقىرامىز. وسى رەتتە، كونفەسسياارالىق جانە وركەنيەتارالىق ديالوگتى دامىتۋ جونىندەگى ن. نازاربايەۆ ورتالىعى مادەنيەتتەر مەن دىندەردىڭ وركەنيەتتىك باي مۇراسى مەن تاريحىن كورسەتۋ ماقساتىندا «الەمدىك جانە ءداستۇرلى دىندەردىڭ كيەلى ءارى قاسيەتتى جەرلەرىنىڭ ۆيرتۋالدى تۋرلارىن» جيناقتاپ، وقىرمان نازارىنا ۇسىنادى» ، - دەپ اتاپ وتەدى اتالعان ورتالىقتىڭ باسپا ءسوز قىزمەتىنەن. 3D فورماتىنداعى كيەلى جەرلەردىڭ تۋرلارى ارقىلى الەمدىك جانە ءداستۇرلى دىندەردىڭ تاريحي ەسكەرتكىشتەرىمەن، ونىڭ ىشىندە يسلام ءدىنىنىڭ كيەلى مەكەنى - مەككەدەگى قاعبامەن، يەرۋساليمدەگى - اكشاردحام حرامىمەن، بودحايا بۋددالىق قاسيەتتى ورتالىقپەن، سينتويستىك يتسۋكۋسيمامەن تانىسۋعا مۇمكىندىك بار. قازاقستاندا ايگىلى «ازىرەت سۇلتان» مۇراجاي كەشەنىنىڭ دە ۆيرتۋالدى كورىنىسىن تاماشالاۋعا بولادى. ونىڭ ىشىندە قوجا احمەت ياساۋي، رابيعا بەگىم سۇلتان، ەسىم حان، گاۋحار انا مازارلارى مەن قىلۋەت جەر استى مەشىتىنىڭ كورىنىسى ۇسىنىلعان.

«سوندىقتان، ەلىمىزدىڭ قاي ايماعىندا بولماسىن بارلىق قىزىعۋشىلىق تانىتۋشى وقىرماندار ءدىني جانە مادەني ەسكەرتكىشتەردىڭ باي مۇراسىمەن تانىسىپ، رۋحاني كەمەلدەنۋگە قادام جاساي الادى. ۇسىنىلعان ۆيرتۋالدى تۋرلارمەن ورتالىعىمىزدىڭ رەسمي الەۋمەتتىك جەلىلەرىنەن تانىسۋعا بولادى» دەلىنگەن تاراتىلعان اقپاراتتا.

سوڭعى جاڭالىقتار