يتاليادا ۆيرۋستىڭ تارالۋى باسەڭدەي باستادى
«يتاليادا جالپى ۇلتتىق كارانتين جاريالانعاننان كەيىن 20 كۇن وتكەن سوڭ دەنساۋلىق ساقتاۋ ءمينيسترىنىڭ ورىنباسارى يتاليادا كوروناۆيرۋس پاندەمياسى 7-10 كۇننەن كەيىن شارىقتاۋ شەگىنە جەتەدى دەپ مالىمدەدى. ال دەنساۋلىق ينستيتۋتىنىڭ ديرەكتورى سيلۆيو برۋسافەررونىڭ ايتۋىنشا، يتاليادا كوروناۆيرۋس جۇقتىرعاندار سانى ازايماعانىمەن، ۆيرۋستىڭ باسەڭدەۋى بايقالادى. دەگەنمەن، بۇل جاعدايدى ساقتاپ قالۋ ءۇشىن كارانتين مەن وقشاۋلانۋ ءتارتىبىن باسەڭدەتىپ الماۋ كەرەك» دەپ جازادى باسىلىم.
مامانداردىڭ ايتۋىنشا، يتاليادا 19-29 - ناۋرىز ارالىعىندا كۇنىنە 5-6 مىڭ ادامنىڭ ۆيرۋس جۇقتىرعانى انىقتالىپ وتىرسا، 30-31 - ناۋرىزدا بۇل كورسەتكىش كۇنىنە 4-5 مىڭ ادامدى قۇرادى.
«لومباردياداعى ينفەكسيا وشاعى سانالاتىن كودوگو مەن بەرگامودا، ياعني، العاشقى ينفەكسيا وشاعىندا جەدەل جاردەم كومەگىنە جۇگىنۋ ەكى ەسە ازايدى. مامانداردىڭ ايتۋىنشا، قابىلدانعان شەشىمدەر 38 مىڭ ادامنىڭ ءولىمىنىڭ الدىن العان» دەپ جازادى اۆتور.