+7 (701) 759 90 19
19 °С : نۇر-سۇلتان
21 °С : الماتى
USD 411.54 EUR 458.13
RUB 5.84 CNY 57.64
جاڭالىقتار

مۇنايدىڭ الەمدىك باعاسى كوتەرىلدى

3 ءساۋىر 16:10
:ءبولىسۋ
مۇنايدىڭ الەمدىك باعاسى كوتەرىلدى

لوندون. قازاقپارات - مۇنايدىڭ الەمدىك باعاسى سوڭعى ونجىلدىقتا مۇناي نارىعىنىڭ ەڭ جىلدام قۇلدىراۋىنان كەيىن باررەلىنە 30 دوللاردان استى، دەپ حابارلايدى قازاقپارات The Guardian باسىلىمىنا سىلتەمە جاساپ.

كەلەسى اپتادا وپەك+ كەلىسسوزدەرى بولاتىنى انىقتالعاننان كەيىن بەيسەنبى كۇنى Brent ماركالى مۇناي باررەلىنە $32,05 دەيىن كوتەرىلدى. الەمدەگى كوروناۆيرۋس جاعدايىنا بايلانىستى 6 -ءساۋىر كۇنگى كەلىسسوزدى بەينەكونفەرەنتسيا تۇرىندە وتكىزۋ تۋرالى شەشىم قابىلداندى. ا ق ش پرەزيدەنتى دونالد ترامپ مۇنايدىڭ الەمدىك باعاسىن تۇراقتاندىرۋعا كومەكتەسەتىن ءار- رياد پەن ماسكەۋ اراسىنداعى جاڭا كەلىسىم جاسالۋى مۇمكىن ەكەنىنەن ۇمىتتەندىرگەننەن كەيىن Brent باعاسى بىردەن ءوسىپ كەتتى.

رەسەي مەن ساۋد ارابياسى Covid-19 پاندەمياسىنا بايلانىستى ەنەرگوتاسىمالداۋشىلارعا سۇرانىس تومەندەپ كەتكەنىنە قاراماستان نارىقتاعى ۇلەسىن ارتتىرۋعا تىرىسىپ، كۇرەسكە دايىندالىپ جاتقاندىقتان مۇناي باعاسى 18 -جىلدىق تومەنگى كورسەتكىش، ياعني باررەلىنە $23 تومەندەدى. بەيسەنبى كۇنى ترامپ ءوزىنىڭ رەسمي Twitter پاراقشاسىندا ساۋد ارابياسىنىڭ مۇراگەر حانزاداسى مۇحاممەد بەن سالمانمەن سويلەسىپ، ءار- رياد پەن ماسكەۋ ءوندىرىستى كۇنىنە 15 ميلليون باررەلگە قىسقارتادى دەپ كۇتكەنىن جازدى. سول كۇنى ساۋد ارابياسى بولىپ جاتقان جاعدايعا بايلانىستى كەڭەسۋ ءۇشىن وپەك+ وتىرىسىن وتكىزۋدى ۇسىندى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات