+7 (701) 759 90 19
26 °С : نۇر-سۇلتان
27 °С : الماتى
USD 410.70 EUR 465.28
RUB 5.80 CNY 58.81
جاڭالىقتار

سولتۇستىك قازاقستاندا كوكتەمگى سۋ تاسقىنى باستالدى

3 ءساۋىر 15:10
:ءبولىسۋ
سولتۇستىك قازاقستاندا كوكتەمگى سۋ تاسقىنى باستالدى

پەتروپاۆل. قازاقپارات - سولتۇستىك قازاقستان وبلىسىندا كوكتەمگى سۋ تاسقىنى باستالدى. ع. مۇسىرەپوۆ اۋدانىنداعى مۇقىر وزەنىندە ءبىر تاۋلىكتى سۋ دەڭگەيى بىردەن 145 س م كوتەرىلدى، دەپ حابارلايدى قازاقپارات ءتىلشىسى.

«قازگيدرومەت» ر م ك سقو فيليالىنىڭ مالىمەتىنشە، يمانبۇرلىق، اقانبۇرلىق، بابىقبۇرلىق، مۇقىر وزەندەرىندە سۋ دەڭگەيى ءبىر تاۋلىكتە 50-145 س م ارالىعىندا كوتەرىلگەن. ع. مۇسىرەپوۆ اۋدانىنداعى توقسان بي جانە كرەشەنكا ەلدى مەكەندەرىنىڭ ماڭىندا ەسىل وزەنىنىڭ دەڭگەيى 54 س م ارتتى.

«سەرگەيەۆ سۋ قويماسىندا سۋ دەڭگەيى 23 -ناۋرىزدان باستاپ كوتەرىلە باستادى. بۇگىن ساعات 11.00 شاماسىندا بوگەتتىڭ قىرىنان 27 س م شاماسىندا اسىپ اعىپ جاتىر. وسى كۇنگە دەيىن ونداعى سۋ دەڭگەيى 68 س م كوتەرىلدى»، - دەيدى «قازگيدرومەت» ر م ك س ق و فيليالى ديرەكتورىنىڭ ورىنباسارى ناتاليا ليەۆينا.

ماماننىڭ ايتۋىنشا، پەتروپاۆل قالاسىنا سۋ تاسقىنى شامامەن 10-12 كۇننەن كەيىن كەلەدى. الايدا، 2016-2017 -جىلدارداعى جاعداي قايتالانبايدى. «وبلىس ۇلكەن اۋماقتى الىپ جاتىر. قازىر وڭتۇستىك اۋدانداردا - ع. مۇسىرەپوۆ پەن ايىرتاۋدا باستالدى. ەكى اپتانىڭ ىشىندە وتەدى دەپ ويلايمىز. ۇلكەن سۋ پەتروپاۆلعا بارادى. بىلتىرعى جىلمەن سالىستىرعاندا اۋقىمدى بولادى دەگەن بولجام بار. سەرگەيەۆ سۋ قويماسىنان 1,5-2 مەترگە دەيىن سۋ اسىپ توگىلىپ وتەدى دەپ ويلايمىز» ، - دەيدى ناتاليا ليەۆينا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات