+7 (701) 759 90 19
19 °С : نۇر-سۇلتان
21 °С : الماتى
USD 411.54 EUR 458.13
RUB 5.84 CNY 57.64
جاڭالىقتار

كيىمگە تۇسكەن كوروناۆيرۋستى جويۋ جولدارى

3 ءساۋىر 16:31
:ءبولىسۋ
كيىمگە تۇسكەن كوروناۆيرۋستى جويۋ جولدارى

نۇر-سۇلتان.قازاقپارات - كيىمگە تۇسكەن، جۇرگەن SARS- CoV-2 كوروناۆيرۋس ينفەكتسياسىن جۋىپ شايۋ ءۇشىن كىر جۋاتىن ماشينانى ارنايى رەجىمگە قوسۋ كەرەك. مۇنى رەسەي عالىمدارى ايتىپ وتىر، دەپ حابارلايدى Lenta.ru.

ءنوۆوسىبىر مەملەكەتتىك ۋنيۆەرسيتەتىنىڭ بيوتەحنولوگيا جانە ۆيرۋسولوگيا زەرتحاناسىنىڭ جەتەكشىسى سەرگەي نەتەسوۆتىڭ ايتۋىنشا، SARS- CoV پەن SARS- CoV-2 كوروناۆيرۋستارى ءبىر- بىرىنە تۋىسقان ۆيرۋستار، دەمەك ولاردى جويۋ جولدارى دا ءبىر.

- ەكى ۆيرۋستىڭ گەنومىنداعى ايىرماشىلىق %20 عانا، ۆيرۋستىڭ قۇرىلىمى مەن بولشەكتەرى، اقۋىز جيىنتىعى ورتاق. ولاردى ءولتىرۋ ءۇشىن ىستىق تەمپەراتۋرامەن بىرگە كىر كەتىرۋگە ارنالعان ارنايى جۋعىش زاتتار كەرەك. ونداي زاتتار كەز كەلگەن كىر جۋعىش ۇنتاقتا بولادى. سوندىقتان كيىمدى جارتى ساعات بويى 60 گرادۋس ىستىق جۋمەن جۋسا، كوروناۆيرۋستى جويۋعا بولادى. جالپى SARS- CoV-2 ينفەكتسياسى ىستىق تەمپەراتۋرانى كوتەرە المايدى ، - دەيدى سەرگەي نەتەسوۆ. ال ديزاينەر مامانداردىڭ ايتۋىنشا، 60 گرادۋس ىستىق تەمپەراتۋرانى تابيعي تەرى مەن ماقتادان، زىعىردان تىگىلگەن كيىمدەر عانا كوتەرە الادى. بۇدان باسقا ماتەريالدان تىگىلگەن كيىمدەردى ءبىراز جىلى سۋمەن جۋىپ، كەيىن ىستىق بۋمەن ىستاسا بولادى. كيىمدەگى كوروناۆيرۋستى جويۋدىڭ تاعى ءبىر جولى بار: ول - كىر كيىمدى 2-3 اپتا بويى پاكەتكە سالىپ، قول تيمەيتىن جەرگە قويىپ تاستاۋ. اۋادا جۇرگەن كوروناۆيرۋس 2 اپتادان كەيىن ولەتىنى بەلگىلى. باستىسى وسى ۋاقىت ىشىندە ادام اعزاسىنا ءتۇسىپ كەتپەۋى ءتيىس.

بۇعان دەيىن قىتاي عالىمدارى كوروناۆيرۋستىڭ كۇن ىستىقتا شىداي الماي، تەز ولەتىنىن، ال 4 گرادۋس جىلى تەمپەراتۋرادا جىلدام تاراپ، 2 اپتا بويى ولمەيتىنىن ايتقان ەدى. 70 گرادۋس ىستىقتا بەس- اق مينۋت ءومىر سۇرەدى ەكەن. ياعني، كۇن ىسىعان سايىن، ۆيرۋسقا دا ءومىر ءسۇرۋ قيىن بولماق. ال ا ق ش پەن شۆەد عالىمدارى كوروناۆيرۋستىڭ سۋىق ءارى ىلعالدى اۋادا تەز تارايتىنىن ايتادى. قۇرعاق اۋادا جىلدام تاراي قويمايتىنىن بايقاعان. كوروناۆيرۋستى قولدان شايۋدىڭ ەڭ ءتيىمدى جولى - قولدى سابىنمەن كوپىرتىپ جۋۋ.

Massaget.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات