+7 (701) 759 90 19
20 °С : نۇر-سۇلتان
31 °С : الماتى
USD 402.37 EUR 449.81
RUB 5.86 CNY 56.67
جاڭالىقتار

كارانتيندى كۇيزەلىسسىز وتكىزۋ ءۇشىن

3 ءساۋىر 15:35
:ءبولىسۋ
كارانتيندى كۇيزەلىسسىز وتكىزۋ ءۇشىن

نۇر-سۇلتان. قازاقپارات - كارانتين كەزىندە ۇيدە «قامالىپ» وتىرۋ كەي ادامداردى كۇيزەلىسكە شالدىقتىرادى. بۇل ۋاقىتشا كەزەڭدى كۇيزەلىسسىز وتكەرۋگە كومەكتەسەتىن پايدالى كەڭەستەر ۇسىنامىز.

دۇرلىكپەڭىز

وكىنىشكە وراي، قازىر ءجيى وتىرىك اقپاراتتار تارايتىن زامان. عالامتورداعى بارلىق «قورقىنىشتى» حابارعا سەنە بەرمەڭىز. ەگەر جاعدايدىڭ قالاي ءوربىپ جاتقانىن بىلگىڭىز كەلسە، سەنىمدى ءارى بەدەلدى اقپارات كوزىن عانا وقىڭىز. الەۋمەتتىك جەلىلەردەگى اقپاراتتاردى وقىماۋعا تىرىسىڭىز، سەبەبى ولار كوبىنە وتىرىك بولادى جانە قورقىنىش ۇيالاتادى. ەگەر ءوز ويىڭىزدى تىنىشتاندىرا الماساڭىز، مەديتاتسيا جاساڭىز. بىرنەشە رەت تەرەڭ تىنىس الىڭىز جانە ويلارىڭىزدى رەتكە كەلتىرىڭىز. ۇيدە وتىرىپ، ءوزىڭىزدى قورعايتىنىڭىزدى جانە ۆيرۋستىڭ تارالۋىن توقتاتۋعا ۇلەس قوسقانىڭىزدى ءتۇسىنىڭىز.

جۇمىس پروتسەسىن ۇيىمداستىرىڭىز

ەگەر ۇيدەن جۇمىس ىستەسەڭىز، وزىڭىزگە جۇمىس ورنىن جاساپ الىڭىز. كۇن ءتارتىبىن دايىنداڭىز. كۇندە ءبىر ۋاقىتتا تۇرىپ، ءبىر ۋاقىتتا جاتىڭىز. ەگەر بۇرىن جۇمىسىڭىز 18:00 دە اياقتالسا، ۇيدە دە سول ۋاقىتتا نوۋتبۋكتى جابىڭىز. ەگەر كەشكە دەيىن جۇمىس ىستەپ وتىرا بەرسەڭىز، كوپ ۇزاماي ەنەرگياڭىز تاۋسىلىپ، كۇيزەلىسكە ۇشىراۋىڭىز ابدەن مۇمكىن.

بەلسەندى ۇزىلىستەر جاساڭىز

ءتورت قابىرعانىڭ ورتاسىندا وتىرساڭىز دا، قوزعالۋعا تىرىسىڭىز: جاتتىعۋ جاساڭىز جانە سوزىلىڭىز. قازىر Youtube جەلىسىندە ۇيدەن شىقپاي- اق سپورتپەن اينالىسۋدى ۇيرەتەتىن ساباقتار كوپ. ولاردىڭ كوپشىلىگىنە ارنايى قۇرالدار دا قاجەت ەمەس. دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىسى بويىنشا، وتىرۋ جانە جاتۋ ۋاقىتىن بارىنشا ازايتۋ كەرەك. 30 مينۋتتا از دەگەندە ءبىر رەت تۇرۋ كەرەك. دەنساۋلىقتى قالىپتا ۇستاۋ ءۇشىن اپتاسىنا 150 مينۋتتى فيزيكالىق بەلسەندىلىككە جۇمساۋ قاجەت. ول دەگەنىمىز - كۇنىنە 20 مينۋتتان كوپ ۋاقىت جاتتىعۋ جاساۋ. سونداي- اق ءۇيدىڭ ىشىندە بولسا دا، كوبىرەك جۇرۋگە تىرىسىڭىز. مىسالى، تەلەفونمەن سويلەسكەندە ءۇيدىڭ ءىشىن اينالىپ ءجۇرىڭىز.

ءوز- ءوزىڭىزدى دامىتۋمەن اينالىسىڭىز

بۇرىن كەيىنگە قالدىرىپ جۇرگەن نارسەلەردى كارانتين كەزىندە ورىنداۋعا مۇمكىندىك بار. مىسالى: اعىلشىن ۇيرەنۋ، جاڭا فيلمدەر مەن سەريالدار قاراۋ، كىتاپتار وقۋ جانە ت. ب.

دۇرىس تاماقتانىڭىز

كارانتين - ارتىق سالماق قوساتىن ۋاقىت ەمەس. جاڭا رەتسەپتىلەر بويىنشا تاماق دايىنداپ كورىڭىز. وزىڭىزگە جانە جاقىندارىڭىزعا ارنالعان ۇيلەسىمدى راتسيون قۇرىڭىز. تازا سۋدى جەتكىلىكتى مولشەردە ءىشىڭىز، ال قۇرامىندا قانتى بار جانە گازدالعان سۋسىنداردى ساتىپ الماڭىز. سالماق قوسۋعا ىقپال ەتەتىن 5 ادەت جاقىندارىڭىزدى ۇمىتپاڭىز قازىر تۋىستارىڭىزعا قوناققا بارا المايسىز جانە دوستارىڭىزبەن كەزدەسە المايسىز. ءبىراق ولارعا تەلەفون شالىپ، جاعدايلارىن سۇراۋدى ۇمىتپاڭىز. اسىرەسە، جاسى ۇلعايعان تۋىستارىڭىزعا حابارلاسىپ، ولاردىڭ ۇيدە وتىرۋىن سۇراڭىز، بارلىق ازىق- تۇلىگىنىڭ جەتكىلىكتى ەكەنىنە كوز جەتكىزىڭىز جانە قولداڭىز.

ءۇي تازالاڭىز

قازىر ەسكى كيىمدەرىڭىزدى رەتتەۋگە جانە بالكوندى جيناۋعا ۋاقىت بار. سوندىقتان كۇندە ءبىر ىستەن ءبىتىرىپ وتىرىڭىز. ۇيدەگى زاتتاردى بىرتىندەپ رەتتەۋ ءسىزدى بولىپ جاتقان جاعدايدان الاڭداتادى جانە كوپتەن بەرى قولىڭىز تيمەي جۇرگەن شارۋالار جاسالادى. ال ءۇيدى ءجيى ىلعال تازالاۋ مەن جەلدەتۋ - كوروناۆيرۋستان ساقتانۋ شارالارىنىڭ ءبىرى.

Massaget.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات