+7 (701) 759 90 19
15 °С : نۇر-سۇلتان
22 °С : الماتى
USD 397.56 EUR 445.94
RUB 5.82 CNY 55.96
جاڭالىقتار

نۇر-سۇلتان مەن الماتىدا جۇمىسسىز رەجيم ۇزارتىلدى، شىمكەنتتە كارانتين ەنگىزىلدى

3 ءساۋىر 13:55
:ءبولىسۋ
نۇر-سۇلتان مەن الماتىدا جۇمىسسىز رەجيم ۇزارتىلدى، شىمكەنتتە كارانتين ەنگىزىلدى

نۇر-سۇلتان. قازاقپارات – ق ر پرەمەر-ءمينيسترى اسقار ماميننىڭ توراعالىعىمەن ق ر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ سەلەكتورلىق وتىرىسى ءوتتى، دەپ جازادى primeminister.kz.

ەلىمىزدەگى سانيتارلىق- ەپيدەميولوگيالىق جاعداي تۋرالى دەنساۋلىق ساقتاۋ ءمينيسترى ە. ءبىرتانوۆ، وڭىرلەردەگى احۋال تۋرالى نۇر-سۇلتان قالاسىنىڭ اكىمى ا. كولگىنوۆ، الماتى قالاسىنىڭ اكىمى ب. ساعىنتايەۆ، شىمكەنت قالاسىنىڭ اكىمى م. ايتەنوۆ، سونداي-اق قىزىلوردا وبلىسىنىڭ اكىمى گ. ءابدىقالىقوۆا، جۇمىسپەن قامتۋدىڭ جول كارتاسىن ءىس جۇزىنە اسىرۋ شارالارى تۋرالى ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ، جامبىل وبلىسىنىڭ اكىمى ب. ساپاربايەۆ پەن قاراعاندى وبلىسىنىڭ اكىمى ج. قاسىمبەك، اۋماقتىق اسكەرلەردى ارناۋلى جيناقتاۋ تۋرالى قورعانىس ءمينيسترى ن. ەرمەكبايەۆ باياندادى.

مەملەكەتتىك كوميسسيا كوروناۆيرۋس ينفەكسياسىنىڭ تارالۋىن شەكتەۋ ماقساتىندا قىزمەتى ەكى مەگاپوليستىڭ تىرشىلىك ارەكەتىن قامتاماسىز ەتۋمەن جانە تۇرعىنداردىڭ دەنساۋلىعىمەن بايلانىستى ۇيىمداردى قوسپاعاندا، بارلىق كاسىپورىندار مەن ۇيىمدار ءۇشىن نۇر-سۇلتان جانە الماتى قالالارىندا كۇشىنە ەنگەن جۇمىسسىز رەجيمدى وسى جىلدىڭ 13-ساۋىرىنە دەيىن ۇزارتۋ تۋرالى شەشىم قابىلدادى. مەملەكەتتىك كوميسسيا شىمكەنت قالاسى اكىمىنىڭ بيىلعى 4-ءساۋىر كۇنگى ساعات 21:00 دەن باستاپ قالادا كارانتين ەنگىزۋ تۋرالى ۇسىنىسىمەن كەلىستى.

اۋرۋحاناىشىلىك جۇقپالى اۋرۋلاردىڭ الدىن الۋ ماقساتىندا ۇكىمەت باسشىسى اكىمدەرگە ينفەكسيالىق، پروۆيزورلىق جانە كارانتيندىك نىساندارداعى سانيتارلىق تالاپتاردىڭ مۇلتىكسىز ساقتالۋىن قامتاماسىز ەتۋدى تاپسىردى. دەنساۋلىق ساقتاۋ مينيسترلىگىنىڭ ۇسىنىسى بويىنشا نۇر-سۇلتان، الماتى جانە شىمكەنت قالالارىندا تەز تۇرعىزىلاتىن قۇرىلىمداردان ءۇش جۇقپالى اۋرۋلار اۋرۋحانالارىن سالۋ تۋرالى شەشىم قابىلداندى.

يندۋستريا جانە ينفراقۇرىلىمدىق دامۋ مينيسترلىگىنە مۇددەلى مەملەكەتتىك ورگاندارمەن بىرلەسىپ، ت ج كەزەڭىندە جەكە قورعانىش قۇرالدارىن شىعارۋعا باقىلاۋدى قامتاماسىز ەتۋ بويىنشا قاجەتتى شارالاردى قابىلداۋ، دەنساۋلىق ساقتاۋ مينيسترلىگى مەن اكىمدىكتەرگە تىرشىلىكتى قامتاماسىز ەتۋ وبەكتىلەرىندە قاۋىپسىزدىك پەن جۇمىس ىستەۋدىڭ جەكەلەگەن الگوريتمىن ازىرلەۋ تاپسىرىلدى. وتىرىس بارىسىندا جۇمىسپەن قامتۋدىڭ جول كارتاسىن (ج ق ج ك) ساپالى جۇزەگە اسىرۋ، ونىڭ ىشىندە نۇر-سۇلتان، الماتى، شىمكەنت قالالارى مەن باسقا دا وڭىرلەردە ناقتى جوبالاردى تەز ارادا باستاۋ ماسەلەلەرىنە ەرەكشە نازار اۋدارىلدى.

وعان قوسا ۇكىمەت باسشىسى اكىمدەرگە كەم دەگەندە 240 مىڭ جۇمىس ورنىن قۇرۋدى، وتاندىق وندىرۋشىلەردىڭ تاۋارلارى مەن قىزمەتتەرىنىڭ

كەمىندە %90 ىن پايدالانۋدى قامتاماسىز ەتۋدى، ج ق ج ك اياسىندا جۇمىسقا ورنالاستىرۋ ءۇشىن موبيلدى رەكرۋت پۋنكتتەرىن قۇرۋدى، جۇمىسسىزداردى جوبالارعا ەلەكتروندىق ەڭبەك بيرجاسى ارقىلى تارتۋدى تاپسىردى. پرەمەر-مينيستر توتەنشە جاعداي كەزىندە تابىسىنان ايىرىلعانداردىڭ تولەم الۋى (42500 تەڭگە) ءۇشىن ازاماتتارعا ەسەپشوت اشۋ جۇمىستارىن قامتاماسىز ەتۋ قاجەتتىگىن اتاپ ءوتتى. مەملەكەتتىك كوميسسيا مەكتەپ وقۋشىلارىنىڭ ءتورتىنشى توقساندا قاشىقتان وقۋ ماسەلەسىن قاراستىردى.

«ءبىلىم جانە تسيفرلىق دامۋ مينيسترلىكتەرىنە قاشىقتان وقىتۋ پروتسەسىنە مونيتورينگ جۇرگىزىپ، ادىستەمەلىك قولداۋ كورسەتۋدى تاپسىرامىن»، - دەدى ا. مامين.

ازىق- تۇلىك قاۋىپسىزدىگىن قامتاماسىز ەتۋ جانە اسكەري مىندەتتىلەردى قارۋلى كۇشتەردىڭ اۋماقتىق اسكەرلەرىن جاساقتاۋ ءۇشىن ارناۋلى جيىندارعا شاقىرۋ ماسەلەلەرى، سونداي-اق ەكونوميكانىڭ سەكتورلارىندا توتەنشە جاعدايدىڭ ەنگىزىلۋىنە بايلانىستى اسا زارداپ شەككەندەردى قىزمەت تۇرلەرىنىڭ تىزىمىنە ەنگىزۋ ءۇشىن قاجەتتى ۇسىنىستار قارالدى، ولار 1-ساۋىردەن 1-قازان ارالىعىندا ەڭبەكاقى تولەۋ قورىنان سالىقتار مەن باسقا دا مىندەتتى تولەمدەردى تولەۋدەن بوساتىلادى.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات