+7 (701) 759 90 19
15 °С : نۇر-سۇلتان
22 °С : الماتى
USD 397.56 EUR 445.94
RUB 5.82 CNY 55.96
جاڭالىقتار

جالعان انتيسەپتيكتەر جاساپ ساتقاندار ۇستالدى

3 ءساۋىر 13:20
:ءبولىسۋ
جالعان انتيسەپتيكتەر جاساپ ساتقاندار ۇستالدى

قاراعاندى. قازاقپارات - قاراعاندى وبلىسىنىڭ كوممەرتسيالىق كاسىپورىندارىنىڭ ءبىرىنىڭ باسشىسى رۇقسات قۇجاتىسىز انتيسەپتيك جاساپ، ساتقان.

كاسىپورىن قويماسىنان ءۇش توننادان استام زارارسىزداندىرۋ قۇرالى تاركىلەندى، دەپ حابارلايدى قازاقپارات ءتىلشىسى.

ق ر ق م قارجى مونيتورينگى كوميتەتىنىڭ قاراعاندى وبلىسى بويىنشا ەكونوميكالىق تەرگەۋ دەپارتامەنتى 2-ساۋىردە جالعان انتيسەپتيكالىق پرەپاراتتى دايىنداۋ جانە وتكىزۋ فاكتىسىنىڭ جولىن كەستى.

ەلدە جاريالانعان توتەنشە جاعداي كەزىندە قاراعاندىداعى كوممەرتسيالىق كاسىپورىندارىنىڭ ءبىرىنىڭ باسشىسى ءتيىستى رۇقسات بەرۋ قۇجاتتارىنسىز انتيسەپتيكالىق قۇرال جاساپ، ساتقان. اتالمىش كاسىپورىن بۇرىن لاك-بوياۋ ونىمدەرىن دايىنداۋمەن اينالىسقان.


«جۇرگىزىلگەن جەدەل- ىزدەستىرۋ ءىس-شارالارىنىڭ ناتيجەسىندە قۇرامىندا بەلگىلەنبەگەن انتيسەپتيكالىق زاتتاردى ءوندىرۋ جانە ىدىستارعا قۇيۋ جونىندەگى جابدىقتارى بار سەح انىقتالدى. ءۇش توننادان استام دايىندالعان انتيسەپتيكا ليترىنە 3000 تەڭگە باعاسىمەن ساتىلعان. سونداي-اق كاسىپورىننان 40 ليتر تەحنيكالىق سپيرت تاركىلەندى. ق ر ق ك 214 بابى بويىنشا سوتقا دەيىنگى تەرگەۋ باستالدى (سانكسيا مۇلىكتى تاركىلەۋمەن 5 جىلعا دەيىن باس بوستاندىعىنان ايىرۋدى قاراستىرادى)، دايىندالعان جانە ساتىلعان ءونىمنىڭ بارلىق كولەمىن انىقتاۋ بويىنشا جەدەل- تەرگەۋ شارالارى جۇرگىزىلۋدە»، - دەپ حابارلادى قاراعاندى وبلىسى بويىنشا ەكونوميكالىق تەرگەۋ دەپارتامەنتىندە.

اۆتور: اگاتا مۋحامەدجانوۆا


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات