ەلوردادا پوليتسەيلەر كارانتين رەجيمىن قاساقانا بۇزعان ەر ادامدى ۇستادى
«ەلوردا پوليتسەيلەرى باباتاي ۇلى كوشەسىندە كولىك قۇرالدارىنىڭ قوزعالىسىن تەكسەرۋ كەزىندە جۇرگىزۋشىسى كارانتين رەجيمىن بۇزعان «Audi « ماركالى كولىكتى توقتاتتى. ءتارتىپ ساقشىلارىنىڭ قۇجات كورسەتۋ تالابىن ورىنداماعان جۇرگىزۋشى ۇيدەن نە ءۇشىن شىققانىن تۇسىندىرە المادى. جۇرگىزۋشى كولىگىنىڭ ءبىر كۇندە بىرنەشە رەت توقتاتىلعانىن ايتقان. الايدا ول رەجيم بۇزۋدى توقتاتپاعان. ءمان- جايدى انىقتاۋ ءۇشىن ءتارتىپ ساقشىلارى ءتارتىپ بۇزۋشىنى اۋداندىق پوليتسيا بولىمىنە جەتكىزدى»، - دەلىنگەن حابارلامادا.
31 جاستاعى قالا تۇرعىنى ق ر اكىمشىلىك قۇقىق بۇزۋشىلىقتار تۋرالى كودەكستىڭ 476-بابى («توتەنشە جاعداي رەجيمىن بۇزۋ») بويىنشا اكىمشىلىك جازاعا تارتىلعانى ايتىلادى. ەر ادام مامانداندىرىلعان اۋدانارالىق اكىمشىلىك سوتىنىڭ شەشىمىمەن قاماۋعا الىندى. ەسكە سالا كەتەيىك، نۇر- سۇلتان مەن الماتى قالالارىندا كارانتين رەجيمى 19-ناۋرىزدان باستاپ ەنگىزىلگەن.