سودا بارلىق باكتەريانى جويادى

نۇر-سۇلتان. قازاقپارات - ادامدار ۇيدە وتىرادى جانە ءتىپتى دۇكەنگە بارۋدان قورقادى دەپ كىم ويلاعان؟

2- ءساۋىردىڭ مالىمەتى بويىنشا كوروناۆيرۋسقا شالدىققانداردىڭ سانى 938 مىڭ ادامعا جاقىنداعان.

ناۋرىز ايىنىڭ 18 ىنەن باستاپ نۇر-سۇلتان مەن الماتى قالالارى كارانتينگە جابىلعان بولسا، وعان بۇگىندە ەلىمىزدىڭ كوپتەگەن قالالارى قوسىلدى.

قالا تۇرعىندارى قاجەت بولعان جاعدايدا جاقىن ماڭداعى دۇكەن مەن ءدارىحانادان تاماق نەمەسە ءدارى-دارمەك ساتىپ الۋ ءۇشىن شىعا الادى.

كوروناۆيرۋس ينفەكتسياسى زاتتاردىڭ بەتىندە 1-3 كۇنگە دەيىن ساقتالىپ قالادى ەكەن. ءسىز ساتىپ الىپ كەلگەن ازىق-تۇلىكتەن كەز كەلگەن ۋاقىتتا (ينفەكتسيا بار بولسا) ۆيرۋس جۇقتىرىپ الۋىڭىز مۇمكىن.

وسىنداي كەزدە دۇكەننەن ساتىپ الىپ كەلگەن ازىق-تۇلىك قورابىنىڭ سىرتىن ديزەنفەكتسيالاۋ كەرەك پە؟ دەگەن سۇراق تۋىندايدى.

بۇل سۇراققا ميكروبيولوگ جانە تاماق قاۋىپسىزدىگى بويىنشا ساراپشى دونالد شاففنەر جاۋاپ بەرگەن.

قازىرگى كەزدە تاماقپەن بىرگە كوروناۆيرۋستىڭ اعزاعا ەنەتىنى ناقتى دالەلدەنبەگەن. ءبىراق كوپشىلىك دۇكەننەن ساتىپ العان زات قورابىندا ۆيرۋس ساقتالادى دەپ الاڭدايدى.

سەبەبى باسقا ءبىر ساتىپ الۋشى كورناۆيرۋستى جۇقتىرىپ، ونى ءوزى بىلمەي باسقالارعا تاراتۋى مۇمكىن.

جوعارىدا ايتىپ وتكەنىمىزدەي ءونىمنىڭ قاپتاماسى ادەتتە كارتوننان نەمەسە پلاستيكتەن جاسالعاندىقتان، ۆيرۋس ولاردىڭ بەتىندە 1-3 كۇنگە دەيىن ساقتالادى. تاماقتى دەزينفەكتسيالاۋ دونالد شاففنەردىڭ ايتۋىنشا، ساتىپ العان تاماق قورابىندا ۆيرۋس بار دەپ ونى بالكون نەمەسە باسقا جەرگە 3 كۇن بويى «كارانتينگە» قويا المايمىز.

سەبەبى 3 كۇن ىشىندە كوپتەگەن ازىق-تۇلىك تۇرلەرى بۇزىلۋى مۇمكىن.

ناتيجەسىندە ادامدار ۆيرۋستان ەمەس بۇزىلعان تاماقتان ۋلانادى.

بىرىنشىدەن، دۇكەننەن كەلگەن سوڭ، قولىڭىز بەن بەتىڭىزدى مۇقيات سابىنداپ جۋىپ، كەيىن انتيسەپتيكپەن ديزەنفەكتسيالاۋ كەرەك.

ەكىنشىدەن، الىپ كەلگەن زاتتاردى ءبىر-بىرلەپ جۋۋ كەرەك. سودان سوڭ عانا ولاردى توڭازىتقىشقا سالۋعا بولادى. جاڭا پىسكەن جەمىس پەن كوكونىسكە باسقاشا ديزەنفەكتسيا قاجەت.

ScienceAlert عىلىمي باسىلىمىنىڭ جازۋىنشا، مۇنداي ونىمدەردى سابىنمەن جۋۋدىڭ قاجەتى جوق، ويتكەنى سابىن بولشەگى ادام اعزاسىنا ەنىپ، ناتيجەسىندە جۇرەك اينۋىن، قۇسۋدى جانە ديارەيانى تۋدىرۋى مۇمكىن. ءبىراق قازىرگى جاعدايدا سابىندى قولدانۋعا بولادى، باستىسى - جۋۋدان كەيىن ونىمدەردى جاقسىلاپ شايىپ تاستاۋ كەرەك.

ەگەر سابىن قولدانعىڭىز كەلمەسە ونىڭ ورنىنا سودا قولدانۋعا بولادى.

سودا بارلىق باكتەريانى جويادى. ايگىلى كوروناۆيرۋسقا قوسا، الەمدە باسقا دا باكتەريالار بارىن ۇمىتپاڭىز.

ءارقاشان قول مەن زاتتاردى مۇقيات جۋۋ كەرەك، ءبىراق ادامدار پاندەميا باستالعاننان كەيىن عانا ونىڭ ماڭىزىن ءتۇسىندى.

Massaget.kz