كوروناۆيرۋس: الەم ەلدەرىندەگى جاعداي قانداي؟
بۇل تۋرالى قازاقپارات مەملەكەتتىك كوميسسيانىڭ شۇعىل شتابىنا سىلتەمە جاساپ حابارلايدى.
يتاليادا جاڭا كوروناۆيرۋستان بولعان اۋرۋدان جانە ونىڭ سالدارىنان قايتىس بولعانداردىڭ سانى تاۋلىگىنە 760 ادامدى قۇرادى، پاندەميا باستالعاننان بەرى 13915 ادامعا جەتتى.
بۇل تۋرالى بەيسەنبى كۇنى ازاماتتاردى قورعاۋ دەپارتامەنتىنىڭ باسشىسى اندجەلو بوررەللي حابارلادى.
حورۆاتيادا جاڭا كوروناۆيرۋس ينفەكتسياسىن جۇقتىرعاندار سانى 1011 گە جەتتى. قازىرگى ۋاقىتتا بۇل ەلدە 35 ناۋقاس وكپەنى جاساندى جەلدەتۋ اپپاراتتارىنا قوسىلعان.
رەسەيدە ءساۋىر ايىندا تولىعىمەن جۇمىسسىز كۇندەر بولادى دەپ جاريالاندى.
بۇل ەلدە 3500 دەن استام ادام جۇقتىرعان كوروناۆيرۋستىڭ تارالۋىنا بايلانىستى دەمالىس كۇندەرىن ۇزارتۋ تۋرالى شەشىم قابىلداندى.
كانادادا كوروناۆيرۋستى جۇقتىرعاندار سانى 10 مىڭ ادامنان استى. قازىرگى تاڭدا كانادادا كوروناۆيرۋستىڭ اعزادا بار-جوقتىعىنا بايلانىستى 257 مىڭعا جۋىق ادام تەكسەرىلدى، 127 ءولىم-ءجىتىم تىركەلدى.
تايلاند 3- ساۋىردەن باستاپ جالپى ۇلتتىق كومەندانتتىق ساعاتتى ەنگىزەدى. ول جەرگىلىكتى ۋاقىت بويىنشا 22:00 دەن 04:00 گە دەيىنگى ارالىقتا بولادى.
ازەربايجان بيلىگى كوروناۆيرۋسقا بايلانىستى ادامداردىڭ قوزعالىسىنا شەكتەۋ ەنگىزۋدە. تۇرعىندار ۇيدەن ءۇش جاعدايدا عانا شىعا الادى: مەديتسينالىق كومەك قاجەت بولعان جاعدايدا؛ كۇندەلىكتى سۇرانىستاعى ونىمدەر مەن ازىق- تۇلىكتى، ءدارى-دارمەكتەردى ساتىپ الۋعا، بانك جانە پوشتا قىزمەتتەرىن پايدالانۋعا؛ تۋىسىنىڭ جەرلەۋىنە قاتىسۋعا.
وسى ماقساتتا SMS- حابارلاما جىبەرۋ قاجەت. مالاۆيادا (افريكا) العاشقى 3 ادامنىڭ (COVID-2019) كوروناۆيرۋس ينفەكتسياسىنا شالدىققانى تىركەلدى.