+7 (701) 759 90 19
19 °С : نۇر-سۇلتان
18 °С : الماتى
USD 411.54 EUR 458.13
RUB 5.84 CNY 57.64
جاڭالىقتار

قازاقستان كوروناۆيرۋسقا قارسى وتاندىق ۆاكتسينانى ءوندىرۋ تەحنولوگياسىنا قول جەتكىزەدى - عالىم

3 ءساۋىر 08:43
:ءبولىسۋ
قازاقستان كوروناۆيرۋسقا قارسى وتاندىق ۆاكتسينانى ءوندىرۋ تەحنولوگياسىنا قول جەتكىزەدى - عالىم

نۇر-سۇلتان. قازاقپارات - قازاقستان 1-2 جىل ىشىندە كوروناۆيرۋسقا قارسى وتاندىق ۆاكتسينالىق پرەپاراتتى ءوندىرۋ تەحنولوگياسىنا قول جەتكىزەدى.

ق ر ب ع م عىلىم كوميتەتى بيولوگيالىق قاۋىپسىزدىك ماسەلەلەرى عىلىمي- زەرتتەۋ ينستيتۋتىنىڭ ديرەكتورى كۇنسۇلۋ زاكاريا وسىلاي دەيدى، دەپ حابارلايدى قازاقپارات ءتىلشىسى.

«2020-جىلدىڭ 31 - ناۋرىزىندا مەملەكەت باسشىسى قاسىم-جومارت توقايەۆ قازاقستان حالقىنا مالىمدەمە جاساپ، كوروناۆيرۋس ىندەتى دۇنيەجۇزىنىڭ 177 مەملەكەتىنە تارالعانىن، 800 مىڭعا جۋىق ادام دەرتكە شالدىققانىن ايتتى. ءبىزدىڭ ەلىمىزدە توتەنشە جاعداي جاريالانىپ، ۆيرۋستىڭ جاپپاي تارالۋىنا جول بەرىلمەگەنىن ايتىپ ءوتتى. بۇعان دەيىن داعدارىسقا قارسى العاشقى شارالار توپتاماسىنىڭ جاريالانعانىن ەسكە سالعان پرەزيدەنت ىندەتكە شالدىققان ادامدارعا جان-جاقتى كومەك كورسەتىلەتىنىن، ىندەتپەن كۇرەسۋ بارىسىندا الدىڭعى شەپتە جۇرگەن دارىگەرلەر مەن مەديتسينا قىزمەتكەرلەردىڭ جالاقىسىنا ۇستەم اقى تولەنەتىنىن اتاپ ءوتتى.

ينفلياتسيانىڭ ارتۋىنا بايلانىستى زەينەتاقى، مەملەكەتتىك جاردەماقى جانە اتاۋلى الەۋمەتتىك كومەك مولشەرىن 10 پايىزعا يندەكساتسيالاۋدى، تابىسىنان ايىرىلعان ازاماتتارعا ەڭ تومەنگى جالاقى مولشەرىندە قولداۋ كورسەتىپ، 42500 تەڭگە كولەمىندەگى كومەكتى الاتىن ازاماتتاردىڭ ساناتىن كەڭەيتۋدى تاپسىرعانى دا بەلگىلى. پرەزيدەنتتىڭ بۇل تاپسىرمالارى ۋاقىتىلى جانە دۇرىس شەشىم دەپ ەسەپتەيمىن»، - دەدى ول.

جامبىل وبلىسىنداعى وتاردا ورنالاسقان كۇنسۇلۋ دالتون قىزى باسقاراتىن ق ر ب ع م ع ك بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى 1958-جىلى قۇرىلعان جانە قازاقستان رەسپۋبليكاسىنىڭ ادامنىڭ، جانۋارلار مەن قۇستاردىڭ اسا قاۋىپتى اۋرۋلارىنان قاۋىپسىزدىگىن قامتاماسىز ەتۋ جونىندەگى بيولوگيالىق قاۋىپسىزدىك سالاسىنداعى مەملەكەتتىك مىندەتتەردى شەشۋگە قابىلەتتى جالعىز ۇلتتىق عىلىمي ورتالىق سانالادى.

بۇل بىرەگەي ينستيتۋت بۇرىنعى ك س ر و- نىڭ ءىرى ۆيرۋسولوگيالىق ورتالىقتارىنىڭ ءبىرىنىڭ «مۇراگەرى» دەسەك تە بولادى.

60 جىلدان استام تاريحى بار ب ق پ ع ز ي- ىندا ۆيرۋسولوگيا، ميكروبيولوگيا، يممۋنولوگيا جانە بيولوگيالىق قاۋىپسىزدىك سالاسىندا ۇلكەن جۇمىس تاجىريبەسى جيناقتالعان.

ق پ ع ز ي جۇمىسىنىڭ ناتيجەلەرى قازاقستاننان تىس جەرلەردە دە بەلگىلى.

ينستيتۋت پرەپاراتتاردىڭ 67 اتاۋىن، ونىڭ ىشىندە 30 ۆاكتسينا اتاۋىن، 16 تەست-جۇيەسىن جانە 15 تەن استام ءتۇرلى بيوپرەپاراتتى ازىرلەدى جانە ەنگىزدى.

ينستيتۋت جىل سايىن ءارتۇرلى ۆاكتسينالاردىڭ 27 ميلليوننان استام دوزاسىن جەتكىزەدى، سونىڭ ىشىندە شەت ەلدەرگە.

ينستيتۋتتىڭ اسا قاۋىپتى ينفەكتسيالاردىڭ پاتوگەندەرىمەن جۇمىس ىستەۋگە رۇقساتى جانە اسا قاۋىپتى ينفەكتسيالاردىڭ پاتوگەندەرىمەن جۇمىس ىستەۋگە ارنالعان بيولوگيالىق قاۋىپسىزدىگى 2 جانە 3-دەڭگەيلى زەرتحانالارى (BSL-2+، BSL-3) بار.

ب ق پ ع ز ي عالىمدارى د د س ۇ باقىلاۋىمەن قىسقا مەرزىمدە (3 جىلدىڭ ورنىنا 6 اي ىشىندە) قازاقستان جاعدايىنا بەيىمدەلگەن العاشقى وتاندىق «قازاقستان-15» قۇس تۇماۋىنا قارسى ۆاكتسينانى ازىرلەپ، اۋىل شارۋاشىلىعى مينيسترلىگىنىڭ تاپسىرىسى بويىنشا 7 ميلليون دوزا ۆاكتسينا جەتكىزدى.

ناتيجەسىندە، كوپتەگەن باسقا مەملەكەتتەرگە قاراعاندا قازاقستان قۇس سانىنىڭ 95 پايىزىن ساقتاپ قالدى.

ب ق پ ع ز ي- دا Kazfluvac, Refluvac ادامعا ارنالعان وتاندىق ۆاكتسينا ازىرلەندى.

«قازاقستان رەسپۋبليكاسىندا كوروناۆيرۋسىمەن كۇرەسۋ ءۇشىن ب ق پ ع ز ي عالىمدارى ۆاكتسينا ازىرلەۋگە كىرىستى. بۇگىنگى تاڭدا ۆيرۋستى ءبولىپ الۋ عىلىمي زەرتتەۋ جۇمىستارى جۇرگىزىلۋدە. اتالعان عىلىمي زەرتتەۋلەر ناتيجەلى بولسا 1-2 جىل ىشىندە كوروناۆيرۋسقا قارسى وتاندىق ۆاكتسينالىق پرەپاراتتى ءوندىرۋ تەحنولوگياسىنا قول جەتكىزەمىز»، - دەدى كۇنسۇلۋ دالتون قىزى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات