+7 (701) 759 90 19
12 °С : نۇر-سۇلتان
12 °С : الماتى
USD 412.55 EUR 454.18
RUB 5.81 CNY 57.66
جاڭالىقتار

بلوك بەكەتتەگى ءتارتىپ ساقشىسىن بەتتەن ۇرعان ەر ادام قاماۋعا الىندى

3 ءساۋىر 08:14
:ءبولىسۋ
بلوك بەكەتتەگى ءتارتىپ ساقشىسىن بەتتەن ۇرعان ەر ادام قاماۋعا الىندى

تاراز. قازاقپارات - تاراز قالاسىندا توتەنشە جاعداي كەزىندە ءتارتىپ ساقشىسىنا قول جۇمساعان ەر ادام قامالدى، دەپ حابارلايدى قازاقپارات.

1- ساۋىردە بايزاق اۋدانىنداعى بلوك بەكەتتە كورونوۆيرۋس پاندەمياسىنىڭ تارالۋىن بولدىرماۋ ماقساتىندا كولىكتەردى تەكسەرۋ بارىسىندا، كەزەكشىلىكتەگى تاراز قالاسى پوليتسيا باسقارماسى جەرگىلىكتى پوليتسيا قىزمەتىنىڭ ينسپەكتورى الماتى قالاسى باعىتىنداعى «Toyota Corolla» ماركالى اۆتوكولىگىن توقتاتقان.

اتالعان اۆتوكولىكتەگى جولاۋشى ەر ادام تالاپقا باعىنباي، پوليتسيا قىزمەتكەرىنە جاراقات كەلتىرگەن.

بۇل تۋرالى وبلىستىق پوليتسيا دەپارتامەنتىنىڭ باسپا ءسوز قىزمەتى حابارلادى.

«تاراز قالاسىنىڭ 34 جاستاعى تۇرعىنى پوليتسيا قىزمەتكەرىنىڭ توتەنشە جاعداي تالاپتارىنا سايكەس، ءتيىستى قۇجاتسىز بلوك بەكەتىنەن وتكىزبەي، شەكتەۋ قويعانىنا قارسى شىعىپ، ونىڭ بەتىنەن جۇدىرىقپەن ۇرعان. كۇدىكتى كىناسىن مويىنداپ، ق ر ق پ ك- ءنىڭ 128-بابىمەن تارازداعى ۋاقىتشا ۇستاۋ يزولياتورىنا قامالدى. ۇستالعان ەر ادام بۇرىن بىرنەشە رەت سوتتى بولعان»، دەلىنگەن حابارلامادا.

قازىرگى ۋاقىتتا اتالعان دەرەككە قاتىستى ق ر قىلمىستىق كودەكسىنىڭ 379-بابى (توتەنشە جاعداي جاريالانعان جەردە بيلىك وكىلىنىڭ زاڭدى تالابىنا باعىنباۋ) جانە 380-بابىمەن (بيلىك وكىلىنە قارسى كۇش قولدانۋ) سوتقا دەيىنگى تەرگەۋ امالدارى جۇرگىزىلۋدە.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات