+7 (701) 759 90 19
8 °С : نۇر-سۇلتان
5 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستاندىقتار جەكەلەگەن وڭىرلەردە مەديتسينالىق قىزمەت، تاسقىنمەن كۇرەس جانە دەزينفەكتسيا جۇمىستارىنا شاقىرىلادى

3 ءساۋىر 07:26
:ءبولىسۋ
قازاقستاندىقتار جەكەلەگەن وڭىرلەردە مەديتسينالىق قىزمەت، تاسقىنمەن كۇرەس جانە دەزينفەكتسيا جۇمىستارىنا شاقىرىلادى

نۇر-سۇلتان. قازاقپارات - اسكەري مىندەتتەمەسى بار قازاقستاندىق وتانداستارىمىزدىڭ دەنساۋلىعىن ساقتاۋ قاجەتتىگى مەن توتەنشە جاعداي رەجىمىن قامتاماسىز ەتۋ ءۇشىن شاقىرىلعالى وتىر.

قورعانىس مينيسترلىگى اسكەري مىندەتتەمەسى بار ازاماتتاردى جەرگىلىكتى ەلدى مەكەندەردە پاترۋل جاساۋعا، سانيتارلىق تازالاۋعا جانە كوكتەمگى سۋ تاسقىنى بولعان جاعدايدا ونىڭ سالدارىن جويۋ جۇمىستارىنا شاقىرادى.

بۇل تۋرالى ق ر باس شتابى باستىعىنىڭ ورىنباسارى رۋسلان شپەكبايەۆ ءمالىم ەتتى، دەپ حابارلايدى قازاقپارات.

«ءبىزدىڭ قارۋلى كۇشتەر شوعىرلانعان وڭىرلەردە كۇش بار. ال ولار جوق جەرگە مەديتسينالىق دايارلىعى بار، قازىر دەنساۋلىق ساقتاۋ سالاسىنا تارتىلعان ازاماتتار شاقىرىلادى. سونىمەن بىرگە قىزمەتتە تاجىريبەسى بار ماماندار بلوكپوستاردا، ەلدى مەكەندەردى پاترۋلدەۋگە جانە ول جەرلەردى سانيتارلىق تۇرعىدا تازارتۋعا جۇمىلدىرىلادى. بالكىم، كەيبىر ايماقتا كوكتەمگى سۋ تاسقىنىنىڭ سالدارىن جويۋ پروتسەسىنە كومەكتەسەدى»، - دەدى رۋسلان شپەكبايەۆ قازاقپارات تىلشىسىنە تەلەفون ارقىلى ايتقان سوزىندە.

سونىمەن قاتار، ول مۇنداي تاجىريبە بۇكىل ايماقتا جۇرگىزىلەتىنىن جەتكىزدى.

«ايماقتاردا اسكەردىڭ جۇمىسقا تارتىلعانىن بىلەسىزدەر. ءبىراق ولار جەتىسپەيدى. اسكەري بولىمدەر ديسلوكاتسياسى جوق ورىندارعا بالكىم ادامداردى تارتامىز. الايدا بۇل رەتتە ادام سانى، مىندەتى مەن مەرزىمى بويىنشا شەشىمدى باس شتابتىڭ كەلىسىمىمەن اكىمدىك قابىلدايدى»، - دەدى سپيكەر.

ق ر باس شتابى باستىعىنىڭ ورىنباسارى سونداي-اق بۇل جۇمىسقا تارتىلۋ كەزىندەگى تولەم جايلى دا ايتىپ ءوتتى.

«جۇمىسسىز قالعان ازاماتتار مينيمالدى ايلىق تولەماقىنى الادى. جۇمىسىنان تارتىلعان ازاماتتار ايلىق جالاقىسىنا يە بولادى. ەڭ ءبىرىنشى كەزەكتە ناقتى ايماقتارعا كەرەكتى مامانداردى ىسكە تارتامىز. ءار وڭىردە جاعداي ءارتۇرلى. ياعني، ادامدار تاڭەرتەڭ ءوز مىندەتىن ورىنداۋ ءۇشىن جۇمىسقا كەلگەندەي تارتىپتە جۇرەدى. تۇرعىلىقتى مەكەنى بويىنشا بارادى. كەشكە ۇيلەرىنە قايتادى»، - دەدى رۋسلان شپەكبايەۆ.

ەسكە سالساق، قازاقستان پرەزيدەنتى قاسىم-جومارت توقايەۆ اسكەري مىندەتتىلەردى ارناۋلى جيىنعا شاقىرۋ تۋرالى جارلىق شىعارعان بولاتىن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات