دۇكەننەن اكەلگەن ازىق- تۇلىكتى قالاي دەزينفەكتسيالايمىز؟

نۇر-سۇلتان. قازاقپارات - كارانتين كەزىندە ادامداردى دۇكەن سورەلەرىندە تۇرعان ازىق- تۇلىكتىڭ قانشالىقتى تازا ەكەنى جايلى سۇراق مازالايدى. ارينە، سەبەبى ەشكىم ۆيرۋس جۇقتىرىپ العىسى كەلمەيدى.

سوندىقتان دۇكەننەن ۇيگە اكەلگەن نەمەسە تاپسىرىسپەن الدىرتقان ازىق- تۇلىكتىڭ قاپتاماسىن دەزينفەكتسيالاۋعا اسا ءمان بەرۋ كەرەك. ەڭ الدىمەن دۇكەننەن اكەلگەن بارلىق پاكەت پەن سومكەنى بىردەن اسۇيگە اپارماي، كىرە بەرىسكە قويۋ كەرەك. ەڭ دۇرىسى، دۇكەنگە كەنەپ ماتادان تىگىلگەن سومكەمەن بارعان ءجون. سول كەزدە ونى دۇكەننەن كەلگەن سوڭ وتە ىستىق سۋعا جۋىپ، جاقسىلاپ كەپتىرىپ الاسىز. اۋزى جاقسى جابىلعان بارلىق ازىق- تۇلىكتىڭ سىرتىن اعىپ تۇرعان سۋدىڭ استىندا جۋىپ الىڭىز.

جەمىس پەن كوكونىستى دەزينفەكتسيالاۋ

جەمىس پەن كوكونىستى اعىپ تۇرعان سۋدىڭ استىندا بىرنەشە رەت جۋۋ كەرەك. ولاردى، ءتىپتى، سابىنمەن دە جۋۋعا بولادى. سودان سوڭ كوكونىس پەن جەمىستى دۋرشلاگقا سالىپ، ۇستىنەن قايناعان سۋ قۇيىپ شىعۋ قاجەت. ودان كەيىن بىردەن سالقىن سۋدىڭ استىنا شايىڭىز. كوكونىس پەن جەمىستى وسى ادىسپەن جۋسا، ولاردىڭ ءىشى زاقىمدالمايدى. باستىسى، ولاردى جىلدام جۋىڭىز. ولاردى ىستىق نە سالقىن سۋعا سالىپ قويۋدىڭ قاجەتى جوق.

نان ونىمدەرىن دەزينفەكتسيالاۋ

قازىرگى ۋاقىتتا ەڭ دۇرىسى - ناندى ۇيدەن ءپىسىرۋ. ال ەگەر دۇكەننەن ساتىپ الساڭىز، ونىڭ سىرتىندا قاپتاماسى بار ءتۇرىن الىڭىز. ەگەر قاپتاماسى جوق ءتۇرىن الساڭىز، ۇيگە كەلگەن سوڭ ناندى تەرميالىق وڭدەۋ كەرەك. ول ءۇشىن ناندى ازداپ قۋىرىڭىز نەمەسە قىزىپ تۇرعان گازعا سالىپ الىڭىز.

جۇمىرتقانى دەزينفەكتسيالاۋ

جۇمىرتقانى باكتەريادان تازارتۋ وڭاي. ول ءۇشىن ۇيدە اس سوداسى بولسا جەتكىلىكتى. ءار جۇمىرتقانى سودا ەرىتىندىسىنە جۋىپ، سودان سوڭ اعىپ تۇرعان سۋدىڭ استىنا شايىپ الاسىز.

Massaget.kz