ەلجان ءبىرتانوۆ: ەڭ دۇرىسى - ماسكانى ءوزىمىز تىگىپ الۋ
«ماسكاعا قاتىستى ماسەلە بار. بۇگىنگى تاڭدا ماسكانى تەك ءوزىمىزدىڭ ەلدەگى زاۋىتتار مەن وندىرىستەردەن عانا الا الامىز. ولاردىڭ كۇندەلىكتى شىعارعان ءونىمى ءبىر ميلليوننان اسپايدى. 250-300 مىڭعا جۋىق مەديتسينالىق ماسكا فارماتسيەۆتيكالىق زاۋىتتاردا شىعارىلادى. قالعان ماسكالاردى جەكە مەنشىك كومپانيالار تىگەدى. جالپى العاندا ءبىر تاۋلىكتە ءبىر ميلليون ماسكا وندىرىلەدى. ءبىراق ماسكانى قولدانۋ بۇدان ەكى- ءۇش ەسە كوپ. وسىعان بايلانىستى قىتاي وندىرۋشىلەرىمەن كەلىستىك. ءبىز 5 ميلليون ماسكانى يمپورتتاۋ تۋرالى كەلىسىمگە قول قويدىق. وكىنىشكە قاراي، قىتايدا لوگيستيكا تۇبەگەيلى اشىلعان جوق. الداعى اپتادا جەتكىزىلەدى دەپ وتىرمىز. سونداي- اق، «Birgemiz» قورى ارقىلى حالىقتىڭ وسال توبىنا بەرىلەدى. ولار - دەرتكە شالدىققان، اياعى اۋىر ايەلدەر نەمەسە بالالار سياقتى ماسكاعا مۇقتاج ادامدار» ، - دەيدى ءبىرتانوۆ.
ونىڭ ايتۋىنشا، ماسكا جەتىسپەگەن جاعدايدا نەگىزگى بولىگى اۋرۋحانالارعا جەتكىزىلەدى.
«ەگەر دارىگەرلەردى قورعاماساق، ولار اۋىرىپ قالسا - قالعاندارىن ەمدەيتىن ەشكىم قالمايدى. دامىعان مەملەكەتتەر ماسكا، سونىڭ ىشىندە داكەدەن ماسكا تىگە باستادى. ءبىز بۇدان ەشقانداي وعاشتىق كورمەيمىز. بۇل - ءار وتباسى، ۇيىم، ەلدىڭ سانالى ارەكەتى. جاعدايعا بەيىمدەلىپ، ءومىر ءسۇرۋ كەرەك. وتكەن عاسىردا قازىرگىدەي قۇرىلعىلار بولماسا دا مەديتسينا بۇدان زورعى ينفەكتسيالاردى جەڭگەن. مارلىدەن ماسكانى وڭاي تىگۋگە بولادى جانە ونى زالالسىزداندىرۋعا بولادى. سوندىقتان دا جالعىز جول - ماسكانى ءوزىمىز تىگۋ» ، - دەيدى ول.