قازاقستاندا كوروناۆيرۋس ىندەتىنىڭ العاشقى فاكتىسى قالاي انىقتالدى

نۇر- سۇلتان. قازاقپارات – ق ر دەنساۋلىق ساقتاۋ ءمينيسترى ەلجان ءبىرتانوۆ ەلىمىزدە كوروناۆيرۋستىڭ العاشقى جاعدايى قالاي انىقتالعانىن ايتىپ بەردى، دەپ حابارلايدى قازاقپارات ءتىلشىسى.

«قىتايدا كوروناۆيرۋس تارالا باستاعاننان كەيىن- اق 6 - قاڭتاردا كۇشەيتىلگەن شارالاردى قولعا الدىق. قاڭتار ايىنىڭ ورتاسىنا تامان پوليمەرازدى تىزبەكتى رەاكسيا- دياگنوستيكاسى رەتسەپتىن الدىق. سونىڭ ارقاسىندا كوروناۆيرۋستىڭ جاڭا ءتۇرىن انىقتاۋعا مۇمكىندىك بولدى. كوروناۆيرۋس ينفەكسياسىنا شالدىعۋ كۇدىگى بار ناۋقاستاردى تەكسەرە باستادىق» ، - دەدى مينيستر zakon.kz پورتالىنىڭ Instagram پاراقشاسىندا بەرگەن سۇحباتىندا.

ونىڭ اتاپ وتۋىنشە، قازىرگى ۋاقىتتا وكپە قابىنۋى جانە وكپە قابىنۋىنىڭ اۋىر فورماسىنا دۋشار بولعان ناۋقاستاردىڭ بارلىعى تەكسەرىلىپ جاتىر.

«كوروناۆيرۋس ينفەكتسياسىن جۇقتىرعان ناۋقاس ناۋرىز ايىنىڭ ورتاسىندا وسى توپتىڭ ورتاسىنان انىقتالدى. ياعني، اقپان- ناۋرىزدا مۇنداي تۇسىنىكسىز ۆيرۋس ينفەكسياسىن كەزدەستىرمەدىك. تەستىلەۋ جاساعانىمەن كوروناۆيرۋس تاپپادىق. سانيتار دارىگەردىڭ جاڭا قاۋلىسىن ەنگىزدىك. ج ر ۆ ي- دىڭ اۋىر، ورتاشا اۋىر فورمالارىنا دا كوروناۆيرۋستىڭ جاسىرىن فورمالارىن انىقتاۋ ءۇشىن تەستىلەۋ جۇرگىزەمىز» ، - دەدى ەلجان ءبىرتانوۆ. وسى رەتتە ول نۇر- سۇلتان مەن الماتى قالالارىندا جرۆي بەلگىلەرى بار تۇرعىنداردىڭ جۇگىنۋى ءۇشىن ارنايى كلينيكا اشىلعانىن اتاپ ءوتتى. اتالعان كلينيكادا دارىگەرلەر قاجەت بولعان جاعدايدا ءتيىستى تەكسەرۋ تاعايىنداي الادى.

«تولىقتاي العاندا، ءبىز ساپالى تەست قولىمىزعا تۇسكەننەن كەيىن تەكسەرە باستادىق. جاڭا كوروناۆيرۋس تەك 13- ناۋرىزدا عانا انىقتالدى» ، - دەدى مينيستر.