اتىراۋ مۇناي وڭدەۋ زاۋىتىنىڭ قىزمەتكەرى كوروناۆيرۋس جۇقتىرعان
«2020 -جىلعى 2 - ساۋىردە اتىراۋ قالاسى بويىنشا تاۋارلار مەن كورسەتىلەتىن قىزمەتتەردىڭ قاۋىپسىزدىك ساپاسىن باقىلاۋ باسقارماسى جاساعان ساراپتاما قورىتىندىسى بويىنشا «اتىراۋ مۇناي وڭدەۋ زاۋىتى» ج ش س قىزمەتكەرىنىڭ كوروناۆيرۋس ينفەكسياسىن جۇقتىرعانى راستالدى. بۇل قىزمەتكەر 2020 -جىلعى 28- ناۋرىزدا جۇمىستان تىس كەشكى ۋاقىتتا باسقا ناۋقاس اداممەن قارىم-قاتىناستا بولعانسوڭ ينفەكسيانى جۇقتىرۋ ىقتيمالدىعى تۋرالى حابارلادى. ءبىزدىڭ ارىپتەسىمىز قولدانىستاعى ەرەجەلەردى باسشىلىققا الا وتىرىپ، 2020 -جىلعى 29 - ناۋرىزدا ءوزى وقشاۋلاندى. 2020 -جىلعى 1 - ساۋىردە بايلانىستا بولعان ادام كوروناۆيرۋستىق ينفەكتسياعا شالدىققانى راستالعان سوڭ ا م ءو ز قىزمەتكەرىنەن ساراپتاما الىندى. ونىڭ ناتيجەسى بۇگىن بەلگىلى بولدى» -دەلىنگەن كومپانيا تاراتقان اقپاراتتا. اتىراۋ مۇناي وڭدەۋ زاۋىتىنىڭ قىزمەتكەرى ءوز ارىپتەستەرىمەن بايلانىس جاساماعان. ول سوڭعى رەت جۇمىس ورنىندا 28 - ناۋرىزدا بولدى. قازىر اتىراۋ مۇناي وڭدەۋ زاۋىتىنىڭ باسشىلىعى بەكىتىلگەن راسىمدەرگە سايكەس ونىمەن بايلانىستا بولۋى مۇمكىن ادامداردى تەكسەرىپ جاتىر. مەملەكەتتىك ۋاكىلەتتى ورگاندارمەن ءوزارا تىعىز جۇمىس جاساۋدا. وبلىستىڭ سانيتارلىق- ەپيدەميولوگيالىق قىزمەتىمەن بىرلەسىپ، سانيتارلىق- ەپيدەميولوگيالىق شارالارعا كىرىستى. ال، اتىراۋ مۇناي وڭدەۋ زاۋىتى قالىپتى رەجيمدە جۇمىس ىستەپ تۇر. مۇناي ونىمدەرىن وندەۋ مەن جونەلتۋ بەكىتىلگەن وندىرىستىك جوسپارعا ساي جۇزەگە اسىرىلىپ جاتىر.