الماتىداعى بلوك بەكەتكە كولىك سوعىلدى
«جول اپاتى بۇگىن ساعات 15.00 دە بولعان. الماتى وبلىسى قاراساي اۋدانى كوكساي اۋىلىنىڭ 1970 -جىلعى تۇرعىنى «Toyota Ipsum» كولىگىمەن كەلە جاتىپ، جاڭا عاسىر كوشەسىنىڭ سولتۇستىك باعىتىندا № 4 باقىلاۋ- وتكىزۋ بەكەتىندەگى مەتالل تۋرنيكەت سوعىلعان. ءارى قاراي قوزعالىستى جالعاستىرا وتىرىپ، جۇرگىزۋشى توقتاپ تۇرعان «كيا» ماركالى پوليتسيا كولىگىمەن بەتپە- بەت سوقتىعىسىپ، سودان كەيىن شەتتە تۇرعان «لادا پريورا» مەن «تويوتا كامري» كولىگىنە سوعىلدى. سالدارىنان قىزمەتتىك كولىكتە وتىرعان پوليتسەي مەرەكە وتارعازى زارداپ شەكتى. ول جەدەل تۇردە اۋرۋحاناعا جەتكىزىلدى. ونىڭ ەكى اياعى سىندى» ، - دەدى الماتى قالالىق پ د رەسمي وكىلى سالتانات ازىربەك.
قازىرگى مالىمەت بويىنشا، كولىكتە ماس جۇرگىزۋشى وتىرعان. «بولجام بويىنشا مينيۆەندى ماس جۇرگىزۋشى باسقارعان. ەندى ونىڭ الكوگولگە نەمەسە ەسىرتكىگە ماس بولعاندىعىن انىقتاۋ ءۇشىن مەديتسينالىق تەكسەرىستەن وتەدى. بەكەتتە ادام كوپ بولعانىمەن، وقىس وقيعادان باسقا ەشكىم زارداپ شەككەن جوق «، - دەدى سالتانات ازىربەك. بۇل دەرەك قر قىلمىستىق كودەكسىنىڭ 345-بابىنىڭ 1-بولىگى بويىنشا سوتقا دەيىنگى ءبىرىڭعاي تەرگەۋ تىزىلىمىنە تىركەلدى.