الماتى اكىمىنىڭ ءبىرىنشى ورىنباسارى اسا ماڭىزدى ەمەس ازىق- تۇلىكتى ىزدەۋدى قويا تۇرۋدى ۇسىندى

الماتى. قازاقپارات - الماتى اكىمىنىڭ ءبىرىنشى ورىنباسارى ەرلان قوجاعاپانوۆ ونلاين بريفينگ بارىسىندا قالا تۇرعىندارىنىڭ كوپتەگەن ساۋالىنا جاۋاپ بەردى، دەپ حابارلايدى قازاقپارات ءتىلشىسى.

قالا اكىمىنىڭ ورىنباسارى قالا تۇرعىندارىنىڭ ىزدەگەن زاتى جاقىن دۇكەندە بولماعان جاعدايدا نە ىستەۋ كەرەكتىگىن ءتۇسىندىردى. «سۋپەرماركەتكە بارۋعا بولادى. ەگەر وتە قاجەت جاعداي بولسا، بەكەتتە تۇرعان ادامدار روبوت ەمەس. ولار دا تۇسىنەدى، ەگەر قاجەتتىلىگىنە كوز جەتكىزگەن جاعدايدا ولار جىبەرەدى. بۇل ەندى تۇتىنۋ قاجەتتىلىگىنە بايلانىستى. كەيبىر ادامدار سۋسابىننىڭ كەيبىر تۇرلەرى، ەت، كوفە تاعى باسقا ازىق- تۇلىكتى الماي، 20-21 كۇن شىداپ تۇرا تۇرسا دا بولادى»، - دەدى اكىمنىڭ ءبىرىنشى ورىنباسارى.

ونىڭ ايتۋىنشا، شتاب وكىلدەرى حالىقارالىق تاجىريبەنى ەسكەرىپ وتىر. «كەيبىر ەلدەردە ادامدارعا تاماقتى قارۋلى كۇشتەر تاسيدى. ءبىر پاكەتتە نان، سۋ، 1 پاكەت شاي بار. ەڭ باستى شارت - ينكۋباتسيالىق كەزەڭدى شىداپ ۇيدە وتكىزۋ»، - دەدى ە. قوجاعاپانوۆ.

ەرلان قوجاعاپانوۆ كارانتين كەزىندە جەكە كولىكتى پايدالانۋعا تىيىم سالىنعانىن ايتتى.

اۆتور: گۇلميرا عوسمانالي