قازاقستان ىشىندە قاتىنايتىن جولاۋشى پويىزدارى تولىق توقتادى
بارلىق جولاۋشىلار پويىزدارىنىڭ (سونىڭ ىشىندە جەكەمەنشىك تاسىمالداۋشىلار جانە باسقا دا تەمىرجول اكىمشىلىكتەرىنىڭ) قوزعالىسى توقتاتىلدى. قازىرگى كەزدە پويىزدار ورنالاسقان ورىندارىنا قايتىپ جاتىر.
سوڭعى پويىز باعىتى 4 - ساۋىردە توقتايدى. «جولاۋشىلار تاسىمالى» ا ق توتەنشە جاعداي كەزىندە ساپارعا شىعا الماعان بارلىق جولاۋشىلار بيلەت ساتىپ الۋعا جۇمساعان اقشاسىن الداعى التى اي ىشىندە وزدەرىنە ىڭعايلى كەز كەلگەن كۇنى تولىق كولەمدە قايتارىپ الا الاتىنىن ايتادى. جۇرمەگەن پويىز بيلەتىنىڭ اقشاسىن ساتۋ سايتتارىندا ونلاين، «جولاۋشىلار تاسىمالى» ا ق بيلەت كاسسالارىندا نەمەسە جەكەمەنشىك كاسسالاردان قايتارىپ الۋعا بولادى. 12- ناۋرىزدان بەرى جولاۋشىلارعا 590 مىڭعا جۋىق بيلەت قايتارىلعان. كارانتين رەجيمى اياقتالعان سوڭ بيلەت ساتۋ كاسسالارى ءوز جۇمىسىن قايتا باستايدى. «وسىعان بايلانىستى، بارلىق جولاۋشىلاردان قوعامدىق ورىنداردا تەمىرجول بيلەتتەرىن قايتارۋعا بايلانىستى شۋ شىعارماي، قاۋىپسىزدىك شارالارىن ساقتاۋىن سۇرايمىز» دەپ ءمالىم ەتتى كومپانيادان.