الماتى اكىمىنىڭ ءبىرىنشى ورىنباسارى ۆيرۋستان قالاي قورعاناتىنىن ايتتى

الماتى. قازاقپارات - الماتى اكىمىنىڭ ءبىرىنشى ورىنباسارى ەرلان قوجاعاپانوۆ ونلاين بريفينگ بارىسىندا كوروناۆيرۋستان قالاي قورعانىپ جۇرگەنىن ايتتى، دەپ حابارلايدى قازاقپارات ءتىلشىسى.

شەنەۋنىك بريفينگكە ماسكاسىز شىقتى. «ءبىز مەملەكەتتىك قىزمەتشىمىز. 24 ساعات بويى جۇمىس ىستەيمىز. مەن نەگە ماسكاسىز شىققانىمدى ايتايىن. قازىر ەمەۋرىننەن وقيتىن ادامدار بار. ءبىزدىڭ سۋردواۋدارماشى قازىر كارانتيندە جاتىر. بۇل قاۋىپتى ەكەنى راس»، - دەدى ول.

ول ۆيرۋستان سارىمساقپەن، س دارۋمەنى، ليمونمەن قورعانۋعا كەڭەس بەردى. «مەن بارلىعىنا وسىنداي ۇسىنىس ايتامىن. سونىمەن قاتار، قازاقستاندىق سارىمساق جەگەن دۇرىس. ويتكەنى، باسقا ەلدەن كەلگەن كوكونىستىڭ ءدامى جوق. سول ءۇشىن ۆيرۋسقا قارسى كۇشى جوق. سونىمەن قاتار، يممۋنيتەتكە ەڭ باستىسى دۇرىس ۇيقى كەرەك. قازىر ول ءۇشىن ءبىزدىڭ ازاماتتاردا بارلىق مۇمكىندىك بار»، - دەدى ول.

اۆتور: گۇلميرا عوسمانالي