كوروناۆيرۋس: اۋستراليا عالىمدارى ەكى ۆاكسينانى سىناقتان وتكىزىپ جاتىر

سيدنەي. قازاقپارات - اۋستراليا عالىمدارى كوروناۆيرۋسقا قارسى ەكى ۆاكسينانى تەستىلەۋدى باستادى، دەپ حابارلايدى قازاقپارات بي-بي-سي اگەنتتىگىنە سىلتەمە جاساپ.

دۇنيەجۇزىلىك دەنساۋلىق ساقتاۋ ۇيىمى وكسفورد ۋنيۆەرسيتەتى مەن امەريكالىق Inovio Pharmaceutical كومپانياسى شىعارعان ۆاكسينانى جانۋارلارعا تەستىلەۋگە رۇقسات بەردى.

ال اۋستراليانىڭ ۇلتتىق عىلىم اگەنتتىگى ۆاكسينانى باعالاپ، ادامعا قاۋىپسىزدىگىن انىقتايتىن بولادى.

«وتكەن ايدا ا ق ش- تا ۆاكسينا ادامعا سىنالعان ەدى. ول كەزدە جانۋارلارعا تەستىلەۋ ساتىسى كەيىنگە قالدىرىلعان بولاتىن. بۇگىنگى تاڭدا بۇكىل الەمدە باسقا دا ۆاكسينالار جاسالىپ جاتىر»، - دەپ جازادى اۆتور. ماقالادا ايتىلعانداي، اۋسترالياداعى سىناقتان وتكىزىلىپ جاتقان ۆاكسينا جانۋارلارعا تەستىلەۋ مودەلىن دە قامتىعان العاشقى كەشەندى زەرتتەۋ بولادى.

«نەگىزىنەن، ۆاكسينانىڭ تولىق دايىن بولۋى ءۇشىن 1 جىلدان ەكى جىلعا دەيىن ۋاقىت كەتەدى. ءبىراق ءبىز بۇل ۋاقىتتى بىرنەشە ايعا قىسقارتتىق»، - دەيدى عالىمدار.

ولاردىڭ ايتۋىنشا، جانۋارلارعا جاسالعان تەستىلەۋدىڭ ناتيجەلەرى ماۋسىم ايىندا بەلگىلى بولادى.

اۆتور: ايكۇمىس بولاتبەك