اسكەري دارىگەرلەر دەنساۋلىق ساقتاۋ مينيسترلىگىنە كومەككە كەلۋگە دايىن

None
None
نۇر- سۇلتان. قازاقپارات - 240-قا جۋىق اسكەري دارىگەر دەنساۋلىق ساقتاۋ مينيسترلىگىنە كومەك كورسەتۋ ءۇشىن قىزمەتكە كىرىسۋگە دايىن تۇر، دەپ حابارلايدى قازاقپارات ءتىلشىسى.

«حابار 24» تەلەارناسىنىڭ حابارلاۋىنشا، بۇعان قوسا، ەلىمىزدىڭ قورعانىس مينيسترلىگى باس اسكەري گوسپيتالدىڭ عيماراتىن كوروناۆيرۋس جۇقتىرۋ كۇدىگىنە ىلىككەن پاتسيەنتتەردى ۋاقىتشا جاتقىزۋ ءۇشىن ۇسىنۋعا دا نيەت تانىتىپ وتىر. جالپى، اسكەريلەر كومەك كورسەتۋگە ساقاداي ساي. ەلىمىزدە توتەنشە جاعداي رەجيمى جاريالانعان العاشقى كۇننەن باستاپ اسكەري- مەديتسينالىق قىزمەت كۇشتەرى مەن قۇرالدارى كوروناۆيرۋسپەن كۇرەسكە ازىرلىككە كەلتىرىلگەن. ماماندار ەڭبەك دەمالىسىنان جانە ءىس- ساپاردان كەرى شاقىرىلىپ الىنىپ، ەرەكشە قىزمەت رەجيمىنە كوشىرىلگەن.

«اسكەري- مەديتسينالىق قىزمەتتىڭ دالالىق موبيلدى مەديتسينالىق گوسپيتالى دە بار. قازىرگى ۋاقىتتا ولار دا تولىقتاي داۋىنگەرلىك دايىندىققا كەلتىرىلگەن جانە بەلگى تۇسە سالىسىمەن ەلىمىزدىڭ كەز كەلگەن نۇكتەسىنە اتتانىپ كەتۋگە دايىن»، - دەدى باس اسكەري مەديتسينالىق باسقارما باسشىسى تيمۋر وشاقبايەۆ.

قاجەتتىلىك تۋىنداعان جاعدايدا 5 اسكەري كلينيكا كارانتيندىك گوسپيتال رەتىندە قايتا جاساقتالماق. ولاردىڭ ءارقايسىندا ارنايى ينفەكسيالىق بولىمشەلەر بار. بۇل جەردە تاۋلىگىنە 16-عا دەيىن كۇردەلى وتا جاساۋعا دايىن. «بولىمشەدە 8 توسەك- ورىن قويىلعان. ءۇش پالاتا بار. ءاربىر توسەك- ورىن وكپەنى جاساندى جەلدەتۋ اپپاراتىمەن جابدىقتالعان. بارلىق اپپاراتتار ا ق ش، گەرمانيادا شىعارىلعان. بولىمشەدە ءبىر ۋاقىتتا 8 پاتسيەنتتى ورنالاستىرۋعا جانە ەمدەۋگە قاجەتتى بارلىق زاتتار بار»، - دەدى باس اسكەري مەديتسينالىق باسقارمانىڭ بولىمشە باستىعى اندرەي ليەۆچەنكو.

سوڭعى جاڭالىقتار