اكىمدىكتىڭ ءۇش قىزمەتكەرى كوروناۆيرۋس جۇقتىرعان
وڭىرلىك دەنساۋلىق ساقتاۋ باسقارماسىنىڭ مالىمەتىنشە، باستاپقىدا 31 -ناۋرىزدا ءبولىمنىڭ ءبىر قىزمەتكەرىنەن كوروناۆيرۋس انىقتالعان . كەيىن تاعى ەكەۋى جۇقتىرعان .
«پنيەۆمونياعا شالدىققان ايەل جۇمىسپەن قامتۋ بولىمىندە جۇمىس ىستەيدى . ونىڭ ەكى ارىپتەسى 49 جانە 45 جاستاعى ايەلدەر . ولار ۆيرۋستى جۇمىستا جۇقتىرىپ الدى دەپ بولجاپ وتىرمىز»، - دەدى س ق و دەنساۋلىق ساقتاۋ باسقارماسىنىڭ باسشىسى تيمۋر سۇلتانعازيەۆ .
«پنيەۆمونياعا شالدىققان ايەل جۇقپالى اۋرۋلار ستاتسيونارىنا جاتقىزىلدى . ونىمەن بايلانىستا بولعان 73 ادام دا وقشاۋلاندى . بارلىعىنان ساراپتاما الىندى»، - دەدى ول .
سونداي -اق، بريفينگ بارىسىندا جۇمىسپەن قامتۋ ءبولىمىنىڭ وقشاۋلانىپ، قاجەتتى دەزينفەكسيالىق جۇمىستار جۇرگىزىلگەنى ايتىلدى .
ايتا كەتەيىك، س ق و - دا كوروناۆيرۋس جۇقتىرعانداردىڭ سانى 7 گە جەتتى . ال قازاقستان بويىنشا ۆيرۋستى 402 ادام جۇقتىرعان .