شەتەلدەگى قازاقتارعا ارنالعان اقپارات ورتالىعى كوروناۆيرۋسقا بايلانىستى قاشىقتان جۇمىس ىستەۋگە كوشتى

نۇر -سۇلتان. قازاقپارات - ازاماتتاردىڭ دەنساۋلىعىن ساقتاۋ جانە قازاقستاندا كوروناۆيرۋستىڭ تارالۋىمەن كۇرەس جۇرگىزۋ ماقساتىندا «دۇنيەجۇزى قازاقتارىنىڭ قاۋىمداستىعى» ۇيىمنىڭ جۇمىسىن ۋاقىتشا قاشىقتىقتان جۇمىس ىستەۋ رەجيمىنە اۋىستىرۋ بويىنشا شەشىم قابىلدادى.

بۇل تۋرالى Tengrinews.kz حابارلايدى.

تۇرۋعا ىقتيارحاتتى قالاي الۋعا بولادى؟ تۇرۋعا ىقتيارحاتسىز كەلۋدىڭ سالدارى قانداي؟ ازاماتتىقتى قالاي الۋعا بولادى؟ ورالمان كۋالىگى قانشا ۋاقىتقا جارامدى؟ بەيىمدەۋ ورتالىقتارى قانداي كومەك كورسەتەدى؟ ايماقتىق كۆوتا الۋ ءۇشىن قايدا بارۋ كەرەك؟

ق ر- دا قۇجاتسىز ءجۇرۋدىڭ سالدارى قانداي؟ ورالمان كۋالىگى ازاماتتىق العاننان كەيىن جارامدى ما؟ تۇرۋعا ىقتيارحاتتى قالاي ۇزارتۋعا بولادى؟ تۇرۋعا ىقتيارحات باسقا قالاعا اۋىسقاندا ۇزارتىلا ما؟ تاعى باسقا دا كوشى- قونعا بايلانىستى سۇراقتارعا كونسۋلتاتسيالاردى تومەندە كورسەتىلگەن تەلەفوندار ارقىلى الۋعا بولادى.

قازىرگى تاڭدا شەتەلدەگى قانداستارمەن ونلاين تۇردە دۇنيەجۇزى قازاقتارىنىڭ قاۋىمداستىعى جۇمىس ىستەپ جاتىر. ەتنيكالىق قازاقتاردان كوشى- قون ماسەلەلەرىنە بايلانىستى سۇراقتار كوپتەپ كەلىپ تۇسۋدە.

بۇدان بولەك، شەتەلدەگى قانداستاردىڭ وقۋعا ءتۇسۋ سياقتى ماسەلەلەردى اقپاراتتاندىراتىن بولادى. دۇنيەجۇزى قازاقتارى قاۋىمداستىعىنىڭ رەسمي سايتىنان، الەۋمەتتىك جەلىلەردە Facebook جانە Instagram، سونداي- اق قاۋىمداستىقتىڭ باسپا ءسوز- حاتشىسى سىرىمبەك تولەۋ ۇلىنىڭ پاراقشاسىنان تابۋعا بولادى.

قانداستارعا «قاۋىمداستىق» پەن «وتانداستار قورىنىڭ» call-ورتالىعىنا 1404 حابارلاسۋدى سۇرايمىز. سونىمەن قاتار، مەكەنجايلارى مەن ەلەكتروندى پوشتالارىن ناقتىلاۋعا بولادى.

ەسكە سالايىق، ق ر پرەزيدەنتىنىڭ جارلىعىمەن دۇنيەجۇزىلىك دەنساۋلىق ساقتاۋ ۇيىمىنىڭ جاڭا COVID-19 كوروناۆيرۋسىن پاندەميا دەپ جاريالاۋىنا بايلانىستى ازاماتتاردىڭ ءومىرى مەن دەنساۋلىعىن قورعاۋ ماقساتىندا قازاقستان رەسپۋبليكاسىنىڭ بارلىق اۋماعىندا 2020 -جىلعى 16-ناۋرىز 08 ساعات 00 مينۋت پەن 2020 -جىلعى 15-ءساۋىر 07 ساعات 00 مينۋت ارالىعىندا توتەنشە جاعداي ەنگىزىلدى.

سونداي-اق، قازاقستان ازاماتتارىنا 15-ساۋىرگە دەيىن ەل اۋماعىنان شىعۋعا تىيىم سالىندى.