اقتوبەلىك كاسىپكەر تاعى ءبىر چەللەندج باستادى

اقتوبە. قازاقپارات - مەيرامحانا، ءدامحانالار ەندى دارىگەرلەردىڭ شاي داستارقانىن دايىنداپ بەرەدى، دەپ حابارلايدى قازاقپارات ءتىلشىسى.

اقتوبەدەگى ينفەكسيالىق اۋرۋحانا دارىگەرلەرىن قولداۋ ماقساتىندا «اتامەكەن» مەيرامحانا كەشەنى جاڭا چەللەندج باستاپ، تورت پەن توقاش، ءتاتتى تاعامدار دايىنداپ بەردى. اسقار مەن قالاۋشا سادىقوۆتار وزدەرى دايىنداعان تاعامدى ەكى ەمدەۋ مەكەمەسىندەگى دارىگەرلەرگە ۇسىندى.

«توتەنشە جاعداي كەزىندە كوروناۆيرۋس ينفەكسياسىن جۇقتىرعان ادامداردى انىقتاپ، ەمدەپ جۇرگەن اق حالاتتىلار دا ءبىزدىڭ قولداۋىمىزدى سەزىنۋى ءتيىس. ءبىز وسى ارقىلى كۇن سايىن ءوز العىسىمىزدى بىلدىرگىمىز كەلدى. ءارى باستامانى وزگە مەيرامحاناعا ۇسىنامىز. تاماق تانۋ ورىندارى ۋاقىتشا توقتاپ تۇرسا دا ءبىز قولداۋ كورسەتۋگە دايىنبىز»، - دەدى كاسىپكەر قالاۋشا سادىقوۆا.