ەلورداداعى بلوك-بەكەتتە اسكەريلەردىڭ قىزمەتى قالاي ءجۇرىپ جاتىر

نۇر-سۇلتان. قازاقپارات - ەلورداداعى كارانتيندىك رەجيمگە بايلانىستى قالا اينالاسىندا التى بلوك- بەكەت قويىلعان.

ول جەردە اكىمدىك، پوليتسيا قىزمەتكەرلەرى، دارىگەرلەر، سونداي-اق ق ر قارۋلى كۇشتەرىنىڭ اسكەري قىزمەتشىلەرى وزدەرىنە جۇكتەلگەن مىندەتتى اتقارۋدا، دەپ حابارلايدى قازاقپارات ءتىلشىسى.

«قازاقپارات» اگەنتتىگىنىڭ تىلشىلەرى پاۆلودار تاسجولى بويىنداعى №2-بلوك- بەكەتىندە بولىپ، اسكەريلەردىڭ جۇمىسىمەن تانىسىپ كەلدى.

اتاپ ايتقاندا، ءاربىر ساربازعا ءتيىستى مىندەت جۇكتەلگەن، ياعني ولاردىڭ جۇمىسى بەكەتتىڭ وزىندە، سول جەردە تۇرعان اسكەري تەحنيكانىڭ ماڭىنا شوعىرلانعان. سونىمەن قاتار كەيبىر اسكەريلەر ساربازدارعا ارنالعان شاتىردى جىلىتۋ جۇمىستارىنا تارتىلعان. جاۋىنگەرلەرگە قولايلى جاعداي جاساۋ ماقساتىندا بلوك- بەكەتتىڭ جانىندا ارنايى شاتىر قۇرىلعان. 68/665 اسكەري ءبولىمى بريگادا كومانديرىنىڭ ورىنباسارى عالىمجان جۇمابايەۆتىڭ سوزىنە قاراعاندا، كەزەكشىلىك ءۇش اۋىسىمدا ءوتىپ جاتىر.

«ءبىزدىڭ 68/665 اسكەري ءبولىمىمىز كەزەكشىلىگىن اتقارۋدا جانە ونى ءۇش اۋىسىمدا وتكىزەمىز. ۆزۆود كومانديرى جاۋىنگەرلىك كەزەكشىلىكتى قامتاماسىز ەتەدى، ياعني تۇراقتى باقىلاۋ بەكىتىلگەن. جەكە قۇرامعا بارلىق قاجەتتىلىكتەر جەتكىزىلگەن»، - دەدى ع. جۇمابايەۆ. وسى ورايدا ول كەزەكشىلىك رەجىمى تاۋلىك بويى جۇرگىزىلەتىنىن، ءاربىر ءۇش تاۋلىك سايىن ساربازدار توبى باسقاسىمەن اۋىساتىنىن ايتتى.

قالا ماڭىنداعى وزگە بلوك- بەكەتتەردە دە اسكەريلەردىڭ قىزمەتى ءدال وسىلاي ۇيىمداستىرىلعان. ايتا كەتەيىك، بريگادا كومانديرى مەن كومانديردىڭ ورىنباسارى كۇن سايىن بارلىق بلوك- بەكەتتەردە باقىلاۋ جۇرگىزەدى.

«بلوك- بەكەتتەردە قوعامدىق قاۋىپسىزدىكتى قامتاماسىز ەتۋ اياسىندا پالودار باعىتىندا №2-بەكەت ورناتىلعان. ءبىزدىڭ ماقسات - ءتارتىپتى قامتاماسىز ەتۋدە ىشكى ىستەر مينيسترلىگى قىزمەتكەرلەرىنە كومەك كورسەتۋ»، - دەدى شتاب باسشىسى، ارنايى ماقساتتاعى «الداسپان» دەسانتتىق- شابۋىلداۋشى باتالونىنىڭ دەسانتى جاسۇلان بەيسەنبەك ۇلى.

سونىمەن قاتار سارازدار جەكە قۇرامعا ارنالىپ قۇرىلعان شاتىردىڭ تىنىس تىرشىلىگمەن تانىستىردى. ونىڭ ىشىندە تاربيەلىك ءارى يدەولوگيالىق جۇمىس بۇرىشى، تاماقتانۋ ورنى، دەزينفەكتسيالىق بۇرىش، دەمالۋ ورنى جاساقتالعان.

اۆتور: رۋسلان عابباسوۆ