«ءتىل- قازىنا» ورتالىعى ونلاين رەجىمدە قازاق ءتىلىن وقىتىپ جاتىر

نۇر-سۇلتان. قازاقپارات - ەلدەگى توتەنشە جاعدايعا بايلانىستى مادەنيەت جانە سپورت مينيسترلىگىنە باعىنىشتى وقۋ ورىندارى قاشىقتان وقىتۋ شارالارىن قولعا الۋدا، دەپ حابارلايدى قازاقپارات ءتىلشىسى.

«ەلدەگى توتەنشە جاعدايعا بايلانىستى مادەنيەت جانە سپورت مينيسترلىگىنە باعىنىستى وقۋ ورىندارى قاشىقتان وقىتۋ بويىنشا شارالاردى قولعا الدى. مادەنيەت، ونەر جانە سپورت سالاسى بويىنشا ءبىلىم بەرەتىن ۇيىمدار وقۋ پروتسەسىن ءبىلىم جانە عىلىم مينيسترلىگى ۇسىنعان نۇسقاۋلار مەن ادىستەمەلىك ماتەريالداردى سىناقتان وتكىزىپ كەلەدى. مەكتەپ-ينتەرنات، كوللەدج ۇستازدارى اسىرەسە، شالعاي ەلدى مەكەندەردە تۇراتىن بالالاردىڭ جاعدايىن جان-جاقتى زەردەلەي كەلە «كۇندەلىك»، «Googl klass room»، «ZOOM»، «WhatsApp»، «Telegram» سياقتى 5 پلاتفورمانى قولدانادى»، - دەدى مادەنيەت جانە سپورت ءمينيسترى اقتوتى رايىمقۇلوۆا و ك ق- دا وتكەن باسپا ءسوز ءماسليحاتىندا.

ءمينيستردىڭ ايتۋىنشا ۇيىمداستىرۋ بارىسىندا ج و و- مەن قاتار باسقا دا ءبىلىم بەرۋ ورىندارى «ايس Platonus» جانە MOODLE ، Zoom پلاتفورمالارىنا كوشتى.

ال شايسۇلتان شاياحمەتوۆ اتىنداعى «ءتىل- قازىنا» ۇلتتىق عىلىمي- پراكتيكالىق ورتالىعى دا مەملەكەتتىك ءتىلدى ونلاين وقىتۋدى باستاپ كەتكەن.