يتاليادا كوروناۆيرۋس تارالماعان جالعىز قالا انىقتالدى

نۇر-سۇلتان. قازاقپارات - يتاليانىڭ سولتۇستىك-باتىسىندا ورنالاسقان مونتالدو-تورينەزە قالاسىندا ۆيرۋستىڭ تارالماعانى انىقتالدى، - دەپ حابارلايدى The Guardian.

دەرەككوز مالىمەتىنشە، مونتالدو-تورينەزە قالاسى 3600 دەن اسا ناۋقاس تىركەلگەن تۋرين قالاسىنا وتە جاقىن ورنالاسقان.

جەرگىلىكتى تۇرعىنداردىڭ ايتۋىنشا، مۇندا «عاجايىپ سۋ» بار. ول سۋ پنيەۆمونيانى ەمدەيدى دەيدى، ياعني ەمدىك قاسيەتى بار سۋ دەيدى. سوندىقتان تۇرعىندار مۇندا كوروناۆيرۋستىڭ تارالمايتىنىن ايتادى.

الايدا قالا مەرى سەردجو گايوتتيدىڭ ايتۋىنشا، قالانىڭ اۋاسى تازا بولعاندىقتان جانە الدىن الۋ شارالارى قابىلدانعاندىقتان، بۇل قالادا كوروناۆيرۋس تىركەلمەگەن.

سوڭعى مالىمەتتەر بويىنشا، يتاليا كوروناۆيرۋستان قايتىس بولعانداردىڭ سانى 13 مىڭ ادامنان استى.

tengrinews.kz