سەمەيدە بۇگىننەن باستاپ قوسىمشا شەكتەۋلەر ەنگىزىلدى

سەمەي. قازاقپارات - سەمەي قالاسىنداعى ءدارىحانالار تۇگەلدەي مەديتسينالىق ماسكالارمەن قامتاماسىز ەتىلدى، دەپ حابارلايدى قازاقپارات.

2- ساۋىردەن باستاپ شاھاردا قوسىمشا شەكتەۋ شارالارىنىڭ ەنگىزىلۋىنە وراي ازىق-تۇلىك دۇكەندەرى عانا جۇمىس ىستەپ، قالعان ساۋدا ورىندارى جابىلادى.

سانيتارلىق باقىلاۋ مەن دەزينفەكتسيالاۋ جۇمىستارى كۇشەيتىلىپ، تۇرعىنداردىڭ ءبارى ماسكا كيىپ جۇرۋگە مىندەتتەلەدى.

«بۇگىندە مەديتسينالىق ماسكا شىعارۋ جولعا قويىلعان. ءبىز الەۋمەتتىڭ ءالجۋاز توپتارىن ماسكامەن تەگىن قامتاماسىز ەتتىك. بۇل 102 مىڭنان استام ادام. ماسكا شىعاراتىن كاسىپورىننىڭ ونىمدىلىگىن ارتتىرۋدى كوزدەپ وتىرمىز. ازىرگە ماسكا تىگۋدى كۇنىنە 20 مىڭ داناعا كوبەيتۋ جوسپارلانعان، - دەدى قالا اكىمى ەرماك ءسالىموۆ ونلاين-بريفينگ بارىسىندا.

قازىرگى ۋاقىتتا قالادا 166 ءدارىحانا بار. ولار مەديتسينالىق ماسكامەن تولىق قامتىلعان.