الماتى پوليتسياسى قالا ماڭىن درونمەن باقىلاۋعا كوشتى
الماتىداعى 13№ پوستتا كەزەكشى پوليتسيا قىزمەتكەرلەرى باقىلاۋ بەكەتىنەن ءوتىپ، قالاعا كىرۋگە جانە قالادان شىعۋعا تىرىساتىن ادامداردى انىقتاپ جاتىر.
بۇل جاعدايدا ءتارتىپ ساقشىلارىنا قالا مەن الماتى وبلىسىنىڭ شەكارالاس بەلدەۋىندە ورنالاسقان كۇزەت مەكەمەسىنىڭ قىزمەتكەرلەرى كومەكتەسەدى.
«جوعارىدان باقىلاۋ ارقىلى قالاداعى كارانتين رەجيمىن بۇزۋشىلاردىڭ ناقتى ورنالاسقان جەرىن بىلۋگە جانە انىقتاۋعا بولادى. بۇل ايماقتا تاۋلىك بويى تاۋ بوكتەرىندە ازاماتتىق كۆادروكوپتەرمەن بىرگە اتتى پاترۋلدەر دە جۇمىس ىستەيدى، بۇل ەرەجە قۇقىقبۇزۋشىلاردىڭ قاشۋىنا مۇمكىندىك بەرمەيدى. وسى ايماق ارقىلى ءوتۋدى قالايتىن ادامداردىڭ سانىن ازايتۋعا مۇمكىندىك بەردى. تاۋلارعا جاقىنداعاندا قۇقىقبۇزۋشىلار دروندى، اتتى پاترۋلدى كورىپ، ارتقا شەگىنەدى. وسىعان بايلانىستى كۇزەت اگەنتتىگىنىڭ العىس ايتامىز»، - دەدى مەدەۋ اۋداندىق پوليتسيا باسقارماسىنىڭ باسشىسى بولات توتىبايەۆ.
بۇعان دەيىن، كارانتين پەريمەترىنىڭ قولجەتىمسىز جەرلەرىن الماتى پوليتسياسى اتپەن ءجۇرىپ باقىلايتىنىن حابارلاعان ەدىك.